bwiza.com
Amakuru Politiki

U Rwanda rwasubije abavuga ko rwigerejeho ku kwakira abimukira mu gihe n’abaturage barwo benshi bakennye

Minisitiri w’Ibikorwa by’Ubutabazi, Germaine Kamayirese yasubije abavuga ko u Rwanda rwigerejeho rusaba kwakira abimukira 500 mu gihe n’abaturage barwo benshi bakennye.

Mu minsi iri imbere u Rwanda rutateganya kwakira icyiciro cya mbere cy’abimukira bavuye muri Libya.

Abanenga iyi gahunda bavuze ko ibyo u Rwanda rwakoze ari ukwiyongera umutwaro mu gihe n’abaturage barwo babayeho mu buzima bw’ubukene. Bavuga ko igihugu nk’u Rwanda bizakibera ingoranahizi kubona ubushobozi butunga aba bimukira.

Abandi bo bavuga ko ibyo u Rwanda rwakoze atari umuti urambye kuri iki kibazo.

Mu gusubiza aba, Minisitiri Kamayirese yavuze ko u Rwanda rwabyiyemeje kandi ruzabikora ku bw’amateka y’ubuhunzi rufite.

Ati “ Nk’igihugu, dufite ubunararibonye bw’abantu bacu babaye mu bindi bihugu nk’impunzi mu myaka myinshi. Tuzi icyo bivuze kuba impunzi. Si ngombwa kugira ibya mirenge kugira ngo ufashe abababye n’abakomerewe n’ubuzima.”

Inkuru bifitanye isano:

Mu kiganiro n’abanyamakuru kuri uyu wa 10 Nzeri, Min. Kamayirese yateye utwatsi amakuru avuga ko u Rwanda rwahawe amafaranga ngo rwakire abimukira.

Biteganyijwe ko aba bimukira bazakirirwa mu kigo kiri mu Karere ka Bugesera ahitwa Gashora.

Iki cyemezo cyo kuzana abimukira gituruka ku busabe bwa Perezida kagame mu 2017 wagaragaje ko u Rwanda rufite ubushake bwo kwakira aba bimukira.

U Rwanda ruvuga ko rwakwakira abageze ku bihumbi 30 gusa ngo ariko babishaka.

 

Izindi wakunda

1 Igitekerezo

Rebero Jeremy 11/09/2019 8:27 pm at 8:27 pm

Minisitiri ntiyasobanuye aho ingengo y’imari yateganyijwe abo bantu. Niba se Urwanda rushobora kujya gushaka impunzi, kuki abari mu Rwanda basabwa kubyara bake? Ese ubundi, ikibazo nk’iki nticyagombye kwemezwa n’abo bita abadepite?

Subiza

Tanga Igitekerezo

Bwiza.com