bwiza.com
Amakuru Utuntu n'utundi

Umufana yiyahuye yitwitse ku bw’igifungo yakatiwe azira kujya gushyigikira ikipe kuri sitade

Umufana w’umugore muri Iran yagiye gushyigikira ikipe ya Esteghlal FC, urukiko rumukatira amezi atandatu kuko bitemewe ko umugore areba imikino y’abagabo muri iki gihugu.

Byaramubabaje ahitamo kwiyambura ubuzima yitwitse.

Esteghlal FC yanditse ubutumwa bw’inkuru ibabaje y’uyu mufana witwaga Sahar Khodayariku w’imyaka 30 y’amavuko ku wa 9 Nzeri.

” Sahar yapfuye yitwitse ubwo yari yakatiwe amezi atandatu y’igifungo kubera ko yaje mu kibuga gushyigikire ikipe ya Esteghlal. Yayishyikiye n’ubwo politiki itabimwemerarega. Ariko se ni iki twakora ngo tumufashe?” Esteghelal FC ku rubuga rwa Twitter.

Ni inkuru yababaje abakunzi b’umupira w’amaguru ndetse n’amwe mu makipe nka Gormahia FC yo muri Kenya. Barasaba iyi kipe guhagarika imikino yari ifite mu buryo bwo kuwanirira Sahar. Barasaba Iran kandi guhagarika imikino kugeza ubwo buri mufana; yaba umugabo cyangwa umugore azemererwa gushyigikira ikipe akunda.

‘Umupira w’amaguru ni uwa bose, baba abagabo cyangwa abagore” ni yo ntero yamagana itegeko rya Iran rikumira uburenganzira bw’umugore mu gushyigikira ikipe y’abagabo.

Iran kimwe n’ibindi bihugu by’Abarabu ntibiha igitsina gore uburenganzira bumwe n’ubw’igitsina gabo. Usanga umukobwa adafite uburenganzira bwo guhitamo umugabo bazashyingiranwa no kwaka gatanya, kwiga, kugaragara muri politiki, guhanga cyangwa se kuririmba ndetse n’ubwo kugabana ku murage.

Ubu ni ubutumwa bwa Esteghlal FC kuri Twitter:

Izindi wakunda

Bwiza.com