bwiza.com
Ahabanza » Umuryango w’umugabo wapfuye asambanira mu kazi ugiye guhabwa indishyi
Amakuru Utuntu n'utundi

Umuryango w’umugabo wapfuye asambanira mu kazi ugiye guhabwa indishyi

Two women in a bed --- Image by © Monsoon/Photolibrary/Corbis

Urukiko rukuru rw’Ubufaransa rwemeje ko umuryango w’umugabo wapfuye akora imibonano mpuzabitsinda ari mu rugendo rw’akazi ugomba guhabwa indishyi n’ikigo yakoreraga.

BBC isobanura ko uyu mugabo wakoreraga ikigo cya gariyamonshi cya TSO, yagiye muri hoteli ari mu rugendo rw’akazi. Yasanzemo umugore atazi bakorana imibonano mpuzabitsinda nyuma umutima w’umugabo urahagarara, arapfa.

Ikigo cya TSO nticyemeraga ko uyu mugabo wahawe izina rya Xavier X yari mu rugendo rw’akazi ubwo yakoraga icyo kise ‘guca inyuma’.

Ikigo cy’ubwishingizi cyasabye iki kigo ko gifata urupfu rw’uyu mukozi nk’impanuka, kigaha impozamarira umuryango we nk’uko itegeko ribivuga. Itegeko riteganya ko umukoresha yirengera impanuka umukozi agirira mu rugendo rw’akazi.

Ikigo cy’ubwishingizi kivuga ko imibonano ari ikintu gisanzwe nko kujya mu bwogero cyangwa gufata ifunguro.

Urukiko rwahaye umugisha igitekerezo cy’Ikigo cy’Ubwishingizi, rutegeka TSO guha indishyi umuryango wa Xavier X wapfuye mu 2013.

Izindi wakunda

Bwiza.com