bwiza.com
Ahabanza » Inzitizi zatumaga Haruna Niyonzima adakina zakuweho
Imikino

Inzitizi zatumaga Haruna Niyonzima adakina zakuweho

Kapiteni w’ikipe y’igihugu y’u Rwanda, Haruna Niyonzima, yamaze kubona ibyangombwa bimwemerera gukina imikino mpuzamahanga nyuma yo kugongwa n’imyirondoro itandukanye, akaba ari no mubakinnyi umutoza Mashami azifashisha mu mikino ikipe Y’Igihugu ifite imbere.

Mu byangombwa bya CAF bari bafite ko Haruna yavutse mu 1990, ni mu gihe passport ye isanzwe yanditseho ko yavutse mu 1988, ari nayo AS Kigali yakoresheje imusabira ibyangombwa muri CAF bagasanga ntawe bafite, ni nabyo byatumye u Rwanda ruhitamo kutamukinisha muri iyi mikino itambutse kugira ngo babanze bakemure ikibazo cy’ibyangombwa bye.

Nyuma y’ibi bibazo Haruna  yajyanye imyirondoro ye muri Immigaration kugira ngo babyemeze ndetse banamuhe uruhushya rw’inzira rushya ’Passport’ bazohereza muri CAF, nayo igahita ibyemeza.

Umutoza w’igihugu  Mashami  yaraye yemeje ko Haruna bari bujyane kuko yamaze kubona ibyangombwa.

Yagize ati“Haruna yazindukiye kuri Immigration, yagiye gufata ibyangombwa bye, Haruna abazi ko tutazajyana, tuzajyana igisigaye ni uko FERWAFA yandikira CAF ikabyemeza turabyizeye ko bari bubikore kuko biroroshye, ngira ngo ibyari bigoye byari iwacu ariko hariya ho biba byoroshye.”

Ikipe y’igihugu irabarizwa Ikinshasa aho bagiye gukina umukino wagicuti na Congo mbere yo gukina na Ethiopia  mu gushaka itike y’igikombe cy’Afurika cy’abakinnyi bakina imbere mu bihugu byabo ’CHAN 2020’.

Izindi wakunda

1 Igitekerezo

0781131573 17/09/2019 2:30 pm at 2:30 pm

Nibyiza aze yunganire bagenzi be

Subiza

Tanga Igitekerezo

Bwiza.com