bwiza.com
Ahabanza » Umwavoka w’abaguye mu mpanuka yishe 157 barimo Umunyarwanda yasabye inyandiko zerekeye indege yabahitanye
Amakuru

Umwavoka w’abaguye mu mpanuka yishe 157 barimo Umunyarwanda yasabye inyandiko zerekeye indege yabahitanye

Umwavoka w’abafitanye isano n’abantu 157 baguye mu mpanuka ya Kompanyi y’indege ya Ethiopian Airlines, Robert Clifford atangaza ko ari gusaba inyandiko zerekeye indege yo mu bwoko bwa Bowing (boeing) 737 Max 8 yishe aba bantu.

Jackson Musoni ni we Munyarwanda wari mu bantu 157 baguye muri iyi mpanuka yabaye Cyumweru tariki 10 Werurwe 2019. Yabaye mu gihe we n’abandi bagenzi 156  bavaga Addis Ababa muri Ethiopia berekeza i Nairobi muri Kenya.

Uyu munyamategeko yabwiye AFP dukesha iyi nkuru kuwa 17 Nzeri uyu mwaka ko uretse ibi ari no kubaza ubuyobozi bwa Amerika bireba impamvu butari gufatira ibyemezo indege zo muri ubu bwoko zimaze guhaitana ubuzima bw’amagana mu gihe kitageze ku mwaka umwe.

Clifford wari mu rukiko mu Mujyi wa Chicago yagize ati “ Gutuma izi ndege zikomeza gutwara abantu ni ishingiro ry’ikibazo.”

Mu itangazo yashyize hanze yavuze ko igisigaye ari ukwemeranya kurinda amabanga y’uburyo izi ndege zikorwa.

Riragirariti “Turimo kuvugana ku buryo harindwa uburyo indege za Boeing 737 Max 8 ziteye n’uko zikorwa.”

Avuga ko ikigambiriwe ari ukureba ibyo Kompanyi ya Boeing yari izi nyuma y’aho Lion Air Max 8 kuwa 29 Ukwakira 2018, ihitanye abantu 189 muri Indoniziya (Indonesia) nyuma n’indi yo muri ubu bwoko ikica 157 mu mezi atanu yakurikiyeho.

Kompanyi ya Boeing yemeye ko iri gukorana bya hafi n’abashinzwe iperereza gusa yirinda kugira icyo ivuga kuri uru rubanza.

Iburana ritaha riteganyijwe kuwa 28 Nzeri 2019, rikazakurikirwa n’iryo kuwa 21 Ugushyingo 2019.

 

 

 

 

 

 

 

Izindi wakunda

Bwiza.com