bwiza.com
Ahabanza » Kimenyi Yves yagonzwe n’ikibazo gisa n’icya Haruna
Imikino

Kimenyi Yves yagonzwe n’ikibazo gisa n’icya Haruna

Umunyezamu w’ikipe y’igihugu Amavubi, Kimenyi Yves yagonzwe n’ikibazo cy’imyirondoro ibiri itandukanye, nk’icyagonze kapiteni w’ikipe y’igihugu Haruna Niyonzima mu minsi ishize bishobora kuzatuma atanakina umukino amavubi afitanye na Ethiopia.

Nkuko RBA ibyutse ibitangaza mu kiganiro k’imikino cya mugitondo,uyu munyezamuzamu afite ibyangombwa bitandukanye hamwe bigaragaza ko yavutse 1996 ahandi bikagaragaza ko yavutse 1992 bityo bikaba bitemewe ko umukinnyi umwe agira imyirondoro ibiri itandukanye.

Iki kibazo kandi cyashimangiwe na visi Perezida w’ishyirahamwe ry’umupira w’amaguru mu Rwanda, Marcel Matiku wavuze ko basanze uyu mukinnyi  afite ikibazo mu byangombwa bye ku buryo ashobora kutazifashishwa mu gihe byaba bitarakemuka.

Yagize ati“ni byo koko, umunyezamu Kimenyi ku byangombwa bye hari ikibazo ku bijyanye na passport, ubwo yajyaga gukina muri Rayon Sports yahinduye passport biza kugaragara muri sisiteme ko afite ibyangombwa bibiri bitandukanye gusa tugiye kubikurikirana bikemuke vuba.”

Kimenyi Yves yajyanye n’abandi bakinnyi muri Congo mu mukino wa gicuti wo kwitegura umukino uzayihuza na Ethiopia mu gusahaka itike y’igikombe cy’Afurika akaba yaraye anasimbujwe Bakame mu mukino bakinye.

 

 

 

Izindi wakunda

Bwiza.com