bwiza.com
Ahabanza » Ikipe y’Umwaka ya FIFA, amateka n’uduhigo twaciwe
Amakuru Imikino

Ikipe y’Umwaka ya FIFA, amateka n’uduhigo twaciwe

Umuzamu wa Liverpool FC, Alisson Becker, myugariro Virgil Van Dijk, Frenkie De Jong ukina hagati muri FC Barcelona na Kylian Mbappe bagaragaye mu ikipe y’umwaka ya FIFA.

Tugendeye ku bwenegihugu, Ubuholandi ni bwo bufitemo abakinnyi benshi (batatu) ari bo: Virgil Van Dijk ukinira Liverpool FC, Frenkie De Jong ukinira FC Barcelona na Martthjis de Ligt ukinira Juventus.

Brazil ifitemo Alisson Becker ukinira Liverpool FC na Marcelo wa Real Madrid.

Argentine ifitemo Lionel Messi, Portugal ikagiramo Cristiano Ronaldo ukinira Juventus, Ubufaransa bukagira Kylian Mbappe ukinira Paris St. Germain, Croatia ifitemo Luka Modric, Espagne ikagira Sergio Ramos, Ububiligi na bwo bukagiramo Eden Hazard ukinira Real Madrid.

Ikipe yuzuye:

Umuzamu: Alisson Becker (Liverpool FC)

Ubwugarizi: Virgil Van Dijk (Liverpool FC), Martthjis de Ligt (Juventus), Marcelo (Real Madrid) na Sergio Ramos (Real Madrid).

Abo hagati: Eden Hazard (Real Madrid), Frenkie De Jong (FC Barcelona) na Luka Modric (Real Madrid).

Abasatirizi: Kylian Mbappe (Paris St. Germain), Lionel Messi (FC Barcelona) na Cristiano Ronaldo (Juventus).

AMATEKA N’UDUHIGO

  • Kugira ngo haboneke iyi kipe, habaye amatora yakozwe n’abakinnyi bo mu bihugu bitandukanye, Ubuyapani buza ku mwanya wa mbere mu gutora. Abakinnyi batoye muri iki gihugu babarirwa mu 1,244. Hakurikiyeho Venezuela, Ubwongereza, Zimbabwe na Ukraine.
  • Lionel Messi ni we wagize amajwi menshi (19, 381), Van Dijk akurikiraho n’amajwi 17, 085, Cristiano Ronaldo aza ku mwanya wa gatatu n’amajwi 16,943.
  • Lionel Messi na Cristiano Ronaldo bamaze kugaragara mu ikipe ya FIFA inshuro 13 kuva yabaho mu 2005, ikaba yaratangiye kujya itorwa buri mwaka mu 2009.
  • Sergio Ramos ni uwa gatatu ugaragaye muri iyi ikipe kenshi, aho ubu amaze kuzamo inshuro 10.
  • Andreas Iniesta ukinira Vissel Kobe mu Buyapani kandi wigeze gukinira FC Barcelona aza ku mwanya wa kane mu kugaragara muri iyi kipe kenshi. Yagaragayemo inshuro 9.
  • Marcelo amaze kugaragaramo inshuro 6, ni uwa gatanu mu bagaragayemo kenshi.
  • Luka Modric aza ku mwanya wa gatandatu kuko amaze kugaragaramo inshuro 5.
  • Martthis de Ligt ni uwa kabiri ukiri muto ugaragaye muri iyi kipe nyuma Kylian Mbappe wabikoze mu 2018.
  • De Ligt na De Jong ni bo bakinnyi ba Ajax bagaragaye muri iyi kipe (Ibi bihembo bishingira ku makipe abakinnyi bahozemo mu mwaka uba waratambutse, ni yo mpamvu aba babarirwa muri Ajax) .
  • Real Madrid ni yo kipe igize abakinnyi benshi mu ikipe y’umwaka (3) hiyongeyemo na Eden Hazard wakiniraga Chelsea mu mwaka w’imikino ushize.

FIFPRO

Izindi wakunda

Bwiza.com