bwiza.com
Ahabanza » Lion Manzi ntiyakiriye uburyo abarimu baciye imirongo mu musatsi w’umwana we
Amakuru Imyidagaduro

Lion Manzi ntiyakiriye uburyo abarimu baciye imirongo mu musatsi w’umwana we

Umushyushyarugamba akaba n’umunyamakuru, Rene Maurice Habamenshi  uzwi nka MC Lion Manzi ntiyishimiye uburyo abarimu baciye imirongo mu musatsi w’umwana we.

Yavuze ko umwana we yageze mu rugo arira.

” Umwana wange yageze mu rugo arira kubera ko bamuciye imirongo ibiri iteye isoni mu musatsi kandi ibintu nk’ibi bibaye ku bana bange mu bigo bitandukanye.” Manzi.

Avuga ko atari ubwa mbere abarimu bamwogosheye abana kandi bavuga ko biri mu mabwiriza ya Minisiteri y’Uburezi. Yibaza aho ireme ry’uburezi rihuriye no gutunga imisatsi.

” Akabazo k’amatsiko: Ireme ry’uburezi ryaba ryarapfiriye mu misatsi y’abana bacu ku buryo kubakoza isoni bene aka kageni ari byo bizazana igisubizo? Ibi ntibyumvikana.” Manzi.

Ubu butumwa bwa Lion Manzi bwarebaga Ikigo cy’Igihugu cy’Uburezi (REB), Minisiteri y’Uburezi ndetse n’Abanyarwanda bakoresha urubuga rwa Twitter.

Abantu basomye ubu butumwa batanze ibitekerezo bitandukanye, byakuruye impaka.

Hervé Girihirwe: ” Ibi byatubagaho kuva twatangira amashuri abanza kugeza tuyarangije. Birababaje kubona kugeza ubu hakiri ababyeyi bacyemera ko abana babo batunga imisatsi.”

Deejay Spin: “Ibi ntibyemewe ntibyumvikana na mba. Ishuri ryagahamagaje ababyeyi bakogoshesha abana ariko ntibabaze abana. Ntabwo higa imisatsi.”

Jean Niyigaba: ” Ikibazo cyari kuba ko byakorewe uwawe gusa abandi bayifite ntibabikorerwe . Niba abarenze ku mabwiriza bose babanwe kimwe wowe urabura gukosora amakosa agaragara ku mwana ahubwo urashaka guhangana n’amabwiriza ya MINEDUC cyangwa y’ishuri.”

Sanny Ntaganira Aline: ” Ariko se uyu muco uracyariho kweli? En plus ku mwana ungana atya? Barabidukoraga kera ku mashuri ariko numvaga ubu bitakibaho! Uyu muco ni mubi pe, ugomba gucika!”

Hakorimana Daniel: ” Umusatsi mu bigo bimwe ntiwemewe, kandi igihe umuntu yumvako umwana we agomba kwigana umusatsi hari ibigo mbona bibyemera byakabaye byiza kumujyanayo, niba ari amabwiriza ntacyo mwarenzaho.”

Katabogama: “ Umusatsi ntacyo utwaye, abarimu bakwiriye guhindura imyumvire, bakareka kubabaza abana. Byatubagaho ariko natekereje ko byarangiye.”

Arthur Kaneza: “Kera byakorwaga kuko abantu benshi batari bamara gusobanukirwa n’amabwiriza y’isuku abana bakaba bakwanduzanya inda zo mu mutwe. Ariko ubu sinumva icyo bigikora mu mabwiriza agenga amashuri n’ibigo bikiyakoresha nta mpamvu bitanga yumvikana. Ubu baracyafite impungenge z’umwanda?”

Minisiteri y’Uburezi yasubije ko ibi bitemewe ariko bidakuraho ko umunyeshyuri yubahiriza amategeko y’aho yiga.

” Ntabwo byemewe gukoresha cyangwa gukora ku mubiri w’umwana ku mpamvu izo arizo zose mu buryo byamutera ikimwaro n’ipfunwe. Ibi ntibivanaho ko umunyeshuri yubahiriza amategeko y’ikigo yigamo harimo arebana n’imyifatire,isuku,imyambarire n’ibindi.”MINEDUC.

Lion Manzi yavuze ko ikibazo cyamaze gukemuka kuko abayobozi b’ishuri bemeye amakosa yo gufata uyu mwanzuro batamumenyesheje nk’umubyeyi ndetse bamwemerera ko bitazongera.

Ngiyi ‘Tweet’ ya Lion Manzi n’igisubizo cya MINEDUC:

Izindi wakunda

1 Igitekerezo

Minisiteri y’Uburezi yanenze ibyakorewe umwana wa Lion Imanzi - bwiza.com 28/09/2019 1:45 pm at 1:45 pm

[…] Inkuru bifitanye isano: https://bwiza.com/2019/09/25/lion-manzi-ntiyakiriye-uburyo-abarimu-baciye-imirongo-mu-musatsi-wumwan… […]

Subiza

Tanga Igitekerezo

Bwiza.com