bwiza.com
Ahabanza » Kunywa inzoga si cyo kibazo- CP Kabera
Amakuru Umutekano

Kunywa inzoga si cyo kibazo- CP Kabera

Polisi y’u Rwanda (RNP) itangaza ko abantu badakwiriye kumva nabi ubukangurambaga ku bijyanye no kwirinda kunywa inzoga, bagatwara ibinyabiziga.

Umuvugizi wa RNP, CP Jean Bosco Kabera avuga ko ikibazo atari ukunywa inzoga ko ahubwo igiteye inkeke ari uko uwayinyoye yatwara ikinyabiziga.

Mu butumwa bwe ku rukuta rwa Twitter, ati “Kunywa inzoga si cyo kibazo. Ikibazo ni ukuyinywa uakanatwara ikinyabiziga. Twifuza ko abantu bakwizihirwa ariko nanone bakagera mu rugo amahoro.”

Yakomeje agira ati “ Nywa mu rugero wishimishe ariko ntutware ikinyabiziga. Shaka ubundi buryo, ushobora gushaka undi mushoferi, koresha imodoka rusange cyangwa iyihariye. Ni ku bw’inyungu z’umutekano wawe, abagenzi ndetse no ku bandi bakoresha umuhanda.”

Polisi y’u Rwanda yemeza ko abatwara ibinyabiziga basinze, akenshi ari ba nyirabayazana w’impanuka nyinshi.

Mu minsi mike ishize nibwo hagaragaye umubare munini w’abantu bafashwe banyoye inzoga kandi bagatwara ibinyabiziga.

 

 

Izindi wakunda

Bwiza.com