bwiza.com
Ahabanza » Ifoto ya Gen. Muhoozi ari kumwe na Mushiki we yabaye imbarutso y’ibibazo byinshi
Amakuru Politiki

Ifoto ya Gen. Muhoozi ari kumwe na Mushiki we yabaye imbarutso y’ibibazo byinshi

Umuhungu wa Perezida Museveni akaba n’umwe mu basirikare bakomeye, Gen. Muhoozi Kainerugaba atunguye benshi nyuma yo gushyira kuri Twitter ifoto ye yo mu 1996.

Kuri iyi foto, Muhoozi ari kumwe na mushiki we, Natasha Karugire.

Nk’abasombyi n’abareba, bavuze amagambo atandukanye kuri iyi foto ndetse no ku butumwa Gen. Muhoozi yashyize kuri iyi ‘tweet’.

Amagambo aragira ati: ” Amafoto y’ahahise. Nge na mushiki wange Natasha turi abanyeshuri ba kaminuza mu Bwongereza.”

Kimwe mu bibazo by’abamaze kubona ubu butumwa bibaza kijyana n’uburezi, aho babaza Gen. Muhoozi impamvu atize muri Uganda nko muri Kaminuza ya Makerere.

” Ese byari byaragenze bite muri Kaminuza za Uganda?”

Undi yamubajije niba atari ubugambanyi kwiga mu Bwongereza mu gihe Kaminuza nka Makerere zari zarabuze abanyeshuri birihira.

” Ese ntabwo ari ubugambanyi kwiga mu Bwongereza mu gihe Makerere yabuze abanyeshuri birihira.” Kagina.

Ikibazo cya kabiri kijyanye n’uwego agezeho mu gisirikare. Ubu ngubu Muhoozi afite ipeti rya Lieutenant General, ipeti rya kabiri rikomeye muri Uganda. Gen. Muhoozi afite umwanya w’Umujyanama wa Perezida Museveni mu bya gisirikare .

Umwe amubaza ipeti yari afite mu 1996. Iki kibazo n’igitekerezo cy’abakoze uko bashoboye ngo bagere kuri iri peti ariko bikananirana.

Muri Gashyantare 2019, Lt. Gen. Muhoozi yazamuwe  mu mapeti hamwe n’abandi basirikare 1999, iba inshuro ya gatatu azamuwe mu myaka itandatu ishize.

Benshi bakomeje kwibazwa ku iri zamurwa ry’umusirikare ridasanzwe, bamwe bavuga ko amapeti azamurirwa atajyanye n’ubushobozi afite. Batangiye gukekwa ko Perezida Museveni yaba ari kumutegura nk’azabe umusimbura ku mwanya w’Umukuru w’Igihugu mu gihe kizaza, n’ubwo Gen. Muhoozi ubwe yabihakanye.

Ku bijyanye n’uburezi ndetse n’ibikorwa bitandukanye, Museveni aherutse kugenera ubutumwa abenegihugu, ababwira ko nta heza nk’Afurika, bikaba akarusho muri Uganda.

Yavugaga ku bihano Kale Kayihura wahoze ayoboye polisi ya Uganda yahawe, birimo no kwamburwa uburenganzira bwo kujya mu bihugu nka Leta Zunze Ubumwe z’Amerika no ku mugabane w’i Burayi.

Yabajije impamvu abantu bakunda ‘hanze’ nk’aho haruta Afurika. Yanenze kandi abatavuga rumwe n’ubutegetsi bwe bishimiye ibi bihano.

Ubutumwa bwa Museveni buhura n’ikibazo Gen. Muhoozi yabajijwe, aho benshi mu bamukurikira bamubajije impamvu yagiye kwiga mu Bwongereza kandi muri Uganda hari Kaminuza  ya Makerere; kaminuza ya gatanu mu zikomeye muri Afurika nk’uko Times Higher Education muri raporo yashyize hanze mu minsi ishize.

Iyi ni Tweet ya Gen. Muhoozi:

Izindi wakunda

1 Igitekerezo

ndayizeye chris 30/09/2019 8:08 am at 8:08 am

Iyi nkuru rwose ntabwo iri Deep kubijyanye nibivugwa! Ese uyu niwe wenyine mu bana ba bayobozi muri Afrika wize mumahanga ch n,abandi barahize,baracyanahiga,muri rusange twibaze impamvu abayobozi badashyira abana babo mu mashuri yo mubihugu bayobora? Uzadukorere ubwo bushakashatsi.gusa mubo twumva abana babo abenshi biga hanze ya Afrika.

Subiza

Tanga Igitekerezo

Bwiza.com