bwiza.com
Ahabanza » Ruhago: Amakuru avugwa i Burayi, Jose Mourinho mu nzira yerekeza muri Real Madrid
Amakuru Imikino

Ruhago: Amakuru avugwa i Burayi, Jose Mourinho mu nzira yerekeza muri Real Madrid

Ikipe ya Tottenham ivuga ko umutoza Gareth Southgate w’ikipe y’igihugu y’Ubwongereza ari we igambiriye nk’umusimbura wa Mauricio Pochettino. (Star Sunday)

Abakinnyi ba Tottenham batangiye kwemeza ko umutoza Pochettino azayivamo vuba aha, mu gihe bivugwa ko Manchester United ari yo kipe yifuza kwerekezamo. (Sun on Sunday).

Jose Mourinho wahoze ari umutoza wa Chelsea na Manchester United ari kwitegura gusubira muri Real Madrid, mu gihe Perezida w’iyi kipe Florentino Perez ashaka ko uyu Munya-portugali asimbura Zinedine Zidane. (Sunday Times).

Liverpool irashaka kugura rutahizamu David Neres w’imyaka 22 ukomoka muri Brazil kuri ubu ukinira Ajax. (Calciomercato)

Liverpool ifite ubwoba ko umutoza Jurgen Klopp ashobora kurerurwa n’akazi ko gutoza ikipe y’igihugu y’Ubudage ubwo manda y’ubutoza ya Joachim Low izaba irangiye. (Sunday Mirror).

West Ham biteganyijwe ko ishyira ku giciro cya miliyoni 100 z’amapawundi ku mukinnyi wo hagati w’Ubwongereza Declan Rice, kugira ngo Manchester United yivane mu gushakisha uyu mukinnyi w’imyaka 20. (Sunday Express)

Biteganyijwe ko Barcelone ibyutsa gahunda yo gushaka kugura umukinnyi Willian w’imyaka 31 ukina ku ruhande muri Chelsea. Kontaro y’uyu mukinnyi ukomoka muri Brazil izarangira mu mpera y’uyu mwaka w’imikino. (Mundo Deportivo)

Umutoza Pep Guardiola avuga ko Manchester City nta mukinnyi n’umwe izagura mu kwezi kwa mbere kuko nta mafaranga ifite. (Sky Sports).

Manchester City irashaka kugura myugariro Caglar Soyuncu w’imyaka 23 ukinira Leicester City ukomoka muri Turukiya. (Fotospor via Metro)

Manchester City yahaye akazi k’ikambere muri iyi kipe umutoza w’Umuholandi Giovanni van ­Bronckhorst, mu gihe iri kwitegura igihe umutoza Guardiola azaba atakiyirimo. (Sunday Mirror)

Mu mpera y’uyu mwaka w’imikino, Manchester United izasaba miliyoni 20 z’amapawundi ku munyezamu Dean Henderson w’imyaka 22, kuri ubu ukina nk’inguzanyo muri Sheffield United. (Sun on Sunday).

Umutoza Frank Lampard wa Chelsea ni we uri imbere mu bari gushaka kugura rutahizamu ukomeye wa Wigan w’imyaka 17, Joe Gelhardt. (Sunday Express)

Emilio Alvarez, umutoza w’umunyezamu ukomoka muri Espanye David de Gea, yavuye muri Manchester United nyuma yaho imikinire y’uyu munyezamu w’imyaka 28 isubiriye inyuma mu mwaka ushize w’imikino, bigatuma hibazwa ku mitoreze ye. (Mail on Sunday).

Barcelone ntabwo yishimiye ukuntu umukinnyi wayo wo hagati Arturo Vidal w’imyaka 23 yasohokanye na rutahizamu Neymar wa Paris Saint-Germain ukomoka muri Brazil. (Marca)

Keisuke Honda w’imyaka 33 wahoze ari rutahizamu w’Ubuyapani, yasabye Manchester United kumuha akazi. Honda ubu nta kazi afite kuva yava mu ikipe ya Melbourne Victory yo muri Australia ku mpeshyi y’uyu mwaka. (Metro)

Uburyo bwa videwo bwunganira abasifuzi (VAR) bukwiye gukoreshwa gusa mu gufata ibyemezo k’ukurarira “kugaragara neza”, nkuko bivugwa n’umukuru w’abasifuzi mu mpuzamashyirahamwe y’umupira w’amaguru i Burayi, UEFA – ibintu binyuranye n’ukuntu ubu buryo buri gukoreshwa muri shampiyona ya Premier League mu Bwongereza muri uyu mwaka w’imikino. (Mail on Sunday)

Izindi wakunda

Bwiza.com