bwiza.com
Ahabanza » Leta ya Tanzania yakuye urujijo ku bwenegihugu bw’abana ba Diamond na Zari
Amakuru Imyidagaduro Umuryango

Leta ya Tanzania yakuye urujijo ku bwenegihugu bw’abana ba Diamond na Zari

Minisiteri Ishinzwe Abinjira n’Abasohoka muri Tanzania yakuye urujijo ku kibazo cy’ubwenegihugu bw’abana babiri umuhanzi Diamond Platinumz yabyaranye na Zarinah Hassan (Zari).

Nyuma y’aho Diamond yatandukaniye na Zari mu 2018, uyu muherwekazi w’Umugande ubarizwa muri Afurika y’Epfo yatwaye aba bana ( Tiffah Dangote na Nillan Dangote), yima se uburenganzira bwo kubareba kuko yamushinjaga kuba umubyeyi gito utita ku bana.

Zari ubwe yitangarije ko Tiffah na Nillan bafite ubwenegihugu bwa Afurika y’Epfo, akaba ari nabwo afite nk’umubyeyi wabo.

Diamond ni Umunyatanzania ndetse aba bana bombi bavukiye muri iki gihugu.

Nk’uko The Global Publishers ibivuga, iyi Minisiteri yaganiriye n’itangazamakuru igira iti:

” Zari avuga ko aba bana bafite ubwenegihugu bwa Afurika y’Epfo kandi ni ukuri kubera ko aba muri iki gihugu. Ubwo rero abana bafite ubwenegihugu bwa nyina. Ariko kubera ko bafite se w’Umunyatanzania [Diamond], banafite ubwenegihugu bwe.”

Umuvugizi w’iyi Minisiteri, Ally Mtanda yasabye abaturage kutita ku magambo ya Zari uvuga ko abana be ari abo muri Afurika y’Epfo, kuko bafite n’ubwa Tanzania.

Itegeko rivuga ko abana babyawe n’abadahuje ubweneguhugu bagira ubwenegihugu bubiri mu gihe bataruzuza imyaka 18. Icyakoze nyuma y’iyi myaka, buri umwe aba afite uburenganzira bwo kwihitiramo niba azagira ubwenegihugu bwa se cyangwa nyina. Birashoboka ko Tiffah na Nillan bazagira ubwenegihugu butandukanye, igihe bazaba bujuje imyaka yo kwihitiramo.

Izindi wakunda

Bwiza.com