bwiza.com
Ahabanza » Muvandimwe Jya uhora usengera igihugu cyawe
Iyobokamana Nibintije Evangelical Ministries International (NEMI)

Muvandimwe Jya uhora usengera igihugu cyawe

Mariko 3:25
“ Inzu iyo yigabanyije ubwayo ntibasha kugumaho.”
Ibyaba biri kubera mu Rwanda bose, turasabwa kubaho mu bumwe nk’Abakirisitu. Aha hari isengesho ryagufasha kwizera ubumwe mu Rwanda.

Politiki n’amatora bisa n’aho ari byo byabogamira ubumwe mu Rwanda no mu nsengero kurusha ibindi byose. Ariko nta gishya kirimo. Kugira ishyari, urwango n’amacakubiri byasubije Abakorinto b’Abakirisitu ba kera muri kamere no mu mubiri, ha handi bahoze bataravuka.

Uburyo bakuraga mu mwuka bwari butangaje mu gihe batashoboraga kumva icyo Intumwa Pawulo yashakaga kubigisha.

Soma Abakorinto 3:1-3

Satani yatuzanyemo imyuka yo kudutandukanya uyu munsi. Azi ko inzu yigabanyije ubwayo byanze bikunze igomba kugwa( Mariko 3:25). Azi ko niba twihurije mu bumwe bwo kwizera kwacu kugeza ubwo tuzasohora kuba abantu bashyitse bageze ku rugero rushyitse rw’igihagararo cya Kristo Yesu. (Abefeso 4:13).
Yashyize umwuka wo gutandukanya kugira ngo ukore mu buzima bwacu bwite, mu buzima bw’insengero, ubuzima bwacu muri rubanda no muri politiki. Intego ye ni imwe nk’uko byahoze mu Bakorinto: Kuzana ishyari, urwango n’amacakubiri, ndetse no kugwingiza ubugingo bwacu.

Ariko ntabwo tugomba kwakira uwo mwuka ahubwo, tugomba guhagarara twemye tukarwanya ayo macakubiri, tukareba abantu nk’uko Imana ibareba- nk’abantu bihariye. Imana ntireba ku ibara ry’uruhu, ku gitsina cyangwa se indi mpamvu.

Imana ibona abantu mu matsinda abiri abayizi, n’abatayizi. Ubwo ni bwo buryo bwonyine tuzatandukanamo ku iherezo ubwo Yesu azaza. Inkuru nziza ni uko warwanya ivangura, ugasengera ubumwe mu Rwanda cyane cyane mu bizera. Aha hari isengesho ry’ubumwe bw’Abanyarwanda wasenga mu kwizera:

Data, mu Izina rya Yesu, ngushimiye ku bw’iki gihugu cyiza cy’u Rwanda. Ngushimiye ko cyaremwe ku bw’ijambo ryawe no mu kukwizera gusa. Ngushimiye ko iki gihugu gifite umugisha wakiremanye kandi turifuza kuguma muri uyu mugisha ku bwo kukubaka.

Data, ndabizi imbaraga zacu nk’abizera zituruka ku bumwe bwacu kubera ko ijambo ryawe rivuga ko inzu yigabanyije ubwayo itashobora guhagarara. Uyu munsi rero mu Izina rya Yesu, ndarwanya imyuka y’amacakubiri n’uwango mu mubiri wa Kirisitu. Ndwanyije buri kigeragezo cy’umwanzi kigabanyamo abizera amatsinda atandukanye. Nanze kugaragara muri aya matsinda y’ubwoko, igitsinda, ishuri cyangwa andi matsinda.

Ndi umukrisitu. Ni ho mpagaze , ni cyo kindanga, muri wowe kandi muri wowe gusa. Ndwanyije ibigeragezo by’umwanzi bitandukanya n’abizera bagenzi bange kandi uyu munsi nemeye ko nzahagarara mu bumwe bwo kwizwera hamwe n’abavandimwe ndetse na bashiki bange muri Kristo.

Ningira ibitekerezo bitandukanye kuri politiki, nzaca bugufi maze mbigereranye n’icyo Ijambo ry’Imana rivuga kugira ngo mfate umwanzuro wa nyuma. Mwami, mfasha kwirinda gukururwa n’inshuti, umuryango n’izindi nzira zatuma ntandukira Ijambo ryawe.

Mfasha kuzuza umutima n’ubwenge bwange ukuri kuri mu Ijambo ryawe kandi nkwishingikirize ntava aho ndi, ndajegajezwa kandi nemye mu kwizera.
Data, ohereza umwuka w’ubumwe kuri iki gihugu. Reka Umwuka Wera uganze muri buri gice cy’igihugu, mu matorero, mu mashuri ndetse no mu ngo.

Dufashe nk’abizera tugendere mu rukundo ndetse n’ubumwe twese hamwe, bose babone ko turi umwe kandi babone imbaraga z’ubwo bumwe, Imana iriho.
Ndagubigushimiye mu Izina rya Yesu.
Amena.

Imana iguhe umugisha!

Umukozi w’Imana Rev. / Ev. Eustache Nibintije, abinyujije muri Minisiteri ye y’ivugabutumwa yise “ Nibintije Evangelical Ministries” asigaye adufasha mu kugabura ijambo ry’Imana nkuko yamuhaye umuhamagaro ikamwuzuza ubwenge bwo kugira ngo agirire abantu benshi umumaro mu gihe gisa n’iki.

Nibintije Evangelical Ministries International (NEMI)
estachenib@yahoo.com
+14123266034(WhatsApp)
Twitter: @ivugabutumwa
Facebook: Nibintije Evangelical Ministries International

Izindi wakunda

Bwiza.com