bwiza.com
Ahabanza » “Urwa Gasabo” Indirimbo yatumye Mariaya Yohana yinjira muri Kinyatrap
Imyidagaduro

“Urwa Gasabo” Indirimbo yatumye Mariaya Yohana yinjira muri Kinyatrap

mu minsi ishize nibwo mu Rwanda hadutse injyana isa naho itarimenyerewe mu matwi yabanyarwanda by’umwihariko abanyakigali izwi nka Kinyatrap ikorwa na basore bamaze kubaka izina hano mu Rwanda B-Threy na Bushari.

Umwe mubasore basanzwe bakora iyi njyana uzwi nka B-Threy wamenyekanye mu ndirimbo sindaza yateye intambwe yegera umubyeyi wamamaye mundirimbo zagakondo ndetse n’izubaka umuryango nyarwanda Mariya Yohana amusaba ko bakorana indirimbo uyu B-Trey yari asanzwe afite gusa itarakikora muburyo bw’amajwi yitwa URWA GASABO maze munzira yita ko zamugoye Mariya Yahana akamwemerera.

Ati “Narayanditse nyishyira mu ikayi y’imibare nakoreshaga niga mu wa kane, uko umuntu akura agenda asubiramo ibintu abona ko ashobora kuririmba ibyo yatekereje abantu bakamwumva naragiye negura ka gakayi indirimbo ndayivugurura.”

Urwa Gasabo” irimo ubutumwa bwo gutanga ihumure mu banyarwanda, kwiyama abanyamahanga baharabika u Rwanda no kuvugira urubyiruko rushaka gukorera igihugu.

 B-Threy aganira na InyarwandaTV yavuye imuzi nimuzingo uko igitekerezo cyo gukorana na Mariya Yohana cyaje mu gihe ibyo bakora bidahuye nagato.

Ati “Nagize icyo gitekerezo ndangije nkiganiriza ababyeyi banjye ndababwira nti ‘ahantu bigeze mukwiye kunshyiriraho agatafari, data arambwira ati ‘unyemeje ko usaze neza’ ndamubwira nti ‘ntekereza ko byemeye hari indi shusho biri bugaragaze ku muziki. Arambwira ati “nzagerageza mbigufashemo ariko se uko usa urabona nakujyana gute umeze gutyo.”

Urwa Gasabo izasohoka kuri alubumu yiswe 2040 iriho indirimbo 14 ahanini zibanda kuri gahunda za leta y’u Rwanda ari nayo mpamvu bayise alubumu yo mu Rugwiro [Ibiro bya Perezida wa Repubulika].

Ni alubumu B-Threy yifuza ko yazumvwa n’abantu bose ndetse ikagera kuri Perezida wa Repubulika Paul Kagame kuko irimo ubutumwa bwo kubaka igihugu. Avuga ko icyo ayitezeho ari uguhindura isura benshi bari bafite ku bakora Kinyatrap dore ko hari bamwe babafata nk’ibirara byasagutswe n’ibiyobyabwenge.

B-Threy avuga ko byamugoye kugira ngo agera kuri Mariya Yohana

Izindi wakunda

Bwiza.com