bwiza.com
Ahabanza » Icyayi cy’u Rwanda cyahaye umukoro Abanya-Kenya
Amakuru Ubukungu

Icyayi cy’u Rwanda cyahaye umukoro Abanya-Kenya

Abanya-Kenya bavuga ko icyayi cyabo gikomeje kugura macye ku isoko mpuzamahanga ugereranyije n’icy’u Rwanda kuko ntaho bihuriye ku bijyanye n’ireme (quality).

Ku isoko ry’igurisha mu mujyi wa Mombasa, icyayi cy’u Rwanda kiragura amadolari ya Amerika 6.30 (ayinga Frw 5,832) mu gihe icya Kenya kiri kugura amadolari 2.05 (ayinga Frw 925).

Umuyobozi wa East African Tea Trade Association (EATTA), Mugo  Gideon yavuze ko bagiye kwigira ku cyayi cy’u Rwanda ku bijyanye n’ireme.

Ati “  Twebwe tureba ku bwinshi bw’icyayi dutunganya aho kureba ireme. Abanyarwanda bareba cyane ku ireme. Natwe dukwiriye gushyira imbaraga ku ireme kurusha ubwinshi.”

Mugo avuga ko mu myaka 10 kuva mu 1990 icyayi cya Kenya cyatunganywaga harebwa ireme gusa ngo ubu bigaragara ko byahindutse, hakaba hitwa cyane ku ngano y’icyatunganyijwe.

Mu Cyumweru gishize kuwa Kabiri tariki ya 1 Ukwakira icyayi cy’u Rwanda ni cyo cyaje ku mwanya wa mbere ku kugurishwa menshi nk’uko The Star dukesha iyi nkuru ibitangaza.

 

Izindi wakunda

Bwiza.com