bwiza.com
Ahabanza » Goma: Umuyobozi wa Gereza ya Munzenze aratabariza abafungiwemo barenga 2600 mu mwanya wa 300
Amakuru Ubutabera

Goma: Umuyobozi wa Gereza ya Munzenze aratabariza abafungiwemo barenga 2600 mu mwanya wa 300

Patrick Mukendi uyoboye gereza ya Munzenze mu mugi wa Goma arasaba leta kugabanya umubare w’imfungwa n’abagororwa bafungiwemo kuko ubu bagera mu 2600 hagakwiye kubamo 300.

Uyu muyobozi asaba ubuyobozi bubifitiye ububasha kubikora mu buryo bwihutirwa mu rwego rwo kwirinda ingaruka zikurikiraho nk’urupfu ruterwa n’akavuyo, uburwayi, isuku nke, kwangirika kw’inyubako babamo no gutoroka.

” Minisiteri w’Ubutabera yamaze icyumweru gishize aza kuri iyi gereza. Ikibazo gikomeye twamubajije ni icy’umubare munini w’abafungiwemo. Turifuza ko umubare w’imfungwa n’abagororwa barimo wagabanywa kuko ubu icumbikiye abasaga 2600 mu gihe hakabayemo 300 gusa.” Diregiteri Mukendi.

Ijambo rya Mukendi ryavuzwe kandi na MONUSCO, ubwo Siaka Bayou ushinzwe agashami ko gutanga serivisi mu magereza na we yigeze kuvuga ku mibereho mibi y’imfungwa n’abagororwa ndetse n’isuku nke muri Gereza ya Munzenze. Yabonye ko umuti urambye w’iki kibazo ari ukwagura gereza.

RADIO OKAPI

 

Izindi wakunda

Bwiza.com