bwiza.com
Ahabanza » RURA ivuga iki ku makuru y’ifungwa burundu rya City Radio?
Amakuru

RURA ivuga iki ku makuru y’ifungwa burundu rya City Radio?

Ikigo cy’Igihugu Ngenzuramikorere (RURA) cyagize icyo kivuga ku makuru yavuzwe kuva kuri uyu wa 7 Ukwakira ko City Radio yafunzwe.

Kuva ejo hashize kugeza uyu munsi, amakuru yavugaga ko City Radio, imwe mu maradiyo akorera mu mugi wa Kigali yafunzwe burundu kubera ko idahemba abakozi bayo.

Bamwe mu bayumva bavuga ko ku munsi w’ejo tariki ya 7 iyi radiyo itumvikanaga ku murongo wayo, gusa uyu munsi bavuga ko yongeye gusubiraho.

Ikibazo cyibazwaga cyagiraga kiti: ” Ese iyi radio koko yafunzwe cyangwa ni ibihuha?” Aha hari hakenewe ubutumwa bwa RURA bwemeza aya makuru cyangwa bukayahakana. Bwayemeza bugasobanura impamvu.

Mu butumwa yanditse ku rubuga rwa Twitter, RURA yatangaje ko City Radio itafunzwe ahubwo ejo yahawe iminsi 15 yo kuba yujuje ibisabwa n’amategeko.

” Ntabwo City Radio yigeze ifungwa ahubwo ejo hashize yahawe iminsi 15 yo kuzuza ibisabwa n’amategeko.” RURA.

Si ubwa mbere City Radio ifunzwe kuko no muri Kanama 2015 yigeze gufungwa ishinjwa kutishyura imisoro.

 

Izindi wakunda

Bwiza.com