bwiza.com
Ahabanza » Burundi: Abahamijwe icyaha cyo kwica umuyoboke wa Agathon Rwasa bakaniwe urubakwiye
Amakuru Politiki

Burundi: Abahamijwe icyaha cyo kwica umuyoboke wa Agathon Rwasa bakaniwe urubakwiye

Urukiko Rukuru mu Ntara ya Muyinga rwakatiye igihano cya burundu abantu bane bahamwe n’icyaha cyo kwica umwe mu bayoboke b’ishyaka CNL rya Agathon Rwasa.

Ku wa 18 Kanama 2019, nibwo abayoboke b’iri shyaka CNL batezwe n’abantu bari bitwaje imihoro, amacumu n’impiri, barabakubita bityo banicamo umwe.

Uwitwa Nsavyumwami Gregoire yarishwe abandi barakomeretswa.

Hasomwa uru rubanza kuri uyu wa Kabiri tariki ya 8 Ukwakira 2019, urukiko rwategetse ko aba bantu bahanishwa igifungo cya burundu ndetse bakanatanga indishyi z’akababaro zingana na 4.300.000 z’amafaranga y’Amarundi.

Ubu bwicanyi bwabaye mu gihe iri shyaka ryavugaga ko abarwanashyaka baryo bahohoterwa, bagaterwa ubwoba, gufungwa mu buryo bunyuranyije n’amategeko,…

Iri shyaka kandi ritangaza ko mu gihe ingoro zawo zikomeje gusenywa hirya no hino mu gihugu, biha isura mbi igihugu yo gushaka gukandamiza abatavuga rumwe na Leta iriho.

BBC itangaza ko ubwo yari  mu Ntara ya Rumonge mu cyumweru gishize, Agathon Rwasa yavuze ko hari abayobozi b’andi mashyaka bari inyuma y’ibikorerwa abayoboke be.

Izindi wakunda

Bwiza.com