bwiza.com
Ahabanza » Imana ikoresha ibibazo byacu igakora imirimo- Rev. Nibintije
Ijambo ry'Imana Iyobokamana Nibintije Evangelical Ministries International (NEMI)

Imana ikoresha ibibazo byacu igakora imirimo- Rev. Nibintije

Abakorinto 12:10

Undi agahabwa gukora ibitangaza, undi agahabwa guhanura, undi agahabwa kurobanura imyuka, undi agahabwa kuvuga indimi nyinshi, undi agahabwa gusobanura indimi,

“ Ni yo mpamvu ku bwa Kristo, nishimira mu ntege nke, mu bitutsi, mu magorwa, mu bitotezo, no mu bingoye. Iyo ncitse intege , nyuma ngira imbaraga.” Twese duca mu bikomeye. Hari igihe haba hari abagufashe nabi, cyangwa se ubucuruzi bwawe ubona nta kigenda, uri ingaragu kandi ntamukunzi ufite.

Biroroshye kuba wakumva wataye umutwe kandi uhungabanye impamvu ibyo bibazo ubimazemo igihe cyangwa se impamvu nta mpinduka ubona. Ariko hari urufunguzo: Kubera ko uri ahantu habi ntibivuze ko hatari ahantu heza wakabaye uri. Imana ikoresha ibibazo byacu, igakora imirimo yayo.

Dukurira mu bihe bibi. Aha niho imico yawe uyikura, niho wigira kwizera Imana no kwihangana. Niho mwuka wawe akurira. Imana ntishobora gutuma ikibazo kukubaho karande, kerets gifite intego ivuye kuri yo.

Niba ugiye kugera ku gipimo cyo hejuru, ukwiriye gutekereza, “ Sinshobora kubaho nataye umutwe kandi mpungabanye kubera ko ntatekanye. Singiye kubaho ndakaye kubera ko ibintu bitari kugenda uko nabiteganyije. Sinkwriye kubaho mpanganye na buri kimwe cyose ntakunda.”

Ahubwo, izere Imana iri gukorera imirimo muri wowe. Izere ko igufitiye ibyiza. Tangira wibone ujya mbere mu nsinzi yaguteguriye.

 

Imana ibahe umugisha!

Umukozi w’Imana Rev. / Ev. Eustache Nibintije, abinyujije muri Minisiteri ye y’ivugabutumwa yise “ Nibintije Evangelical Ministries” asigaye adufasha mu kugabura ijambo ry’Imana nkuko yamuhaye umuhamagaro ikamwuzuza ubwenge bwo kugira ngo agirire abantu benshi umumaro mu gihe gisa n’iki.

Nibintije Evangelical Ministries International (NEMI)

estachenib@ yahoo.com
+14123265034(WhatsApp)

Izindi wakunda

Bwiza.com