bwiza.com
Ahabanza » Kigali: Ikigo ‘BTC’ kigisha ibirebana no gutunganya amashusho cyatangiye kwandika abanyeshuri bashya 
Amakuru Ubukungu

Kigali: Ikigo ‘BTC’ kigisha ibirebana no gutunganya amashusho cyatangiye kwandika abanyeshuri bashya 

Ubuyobozi  bw’ikigo Belgine Training Center (BTC)  ku bufatanye na YADEN (Youth, Arts, Development and   Entrepreneurship Network) buramenyesha  urubyiruko rwose rwifuza kwiga gukoresha Camera, gutunganya amajwi n’amashusho na graphic design ko amarembo akinguye.

Umuyobozi mukuru w’iki kigo, Bizimana Belgine, aganira na Bwiza.com, avuga ko ari amahirwe ku rubyiruko rugiye kuza mu biruhuko, rurimo n’uruzaba rusoje amasomo yarwo y’amashuri yisumbuye.

Ati “Ni amahirwe ku rubyiruko, aho kumara hafi umwaka ategereje ko amanota azasohoka biroroshye kuba yaza akaba yigishwa camera n’ibindi, bikamufasha kuzihangira imirimo, hari abagira amahirwe yo gukomeza kaminuza ariko hari abandi baba barize ibitari imyuga bagera hanze bikabacanga, niyo mpamvu tubahaye ikaze ngo tubafashe”.

Akomeza avuga ko abanyeshuri babasha kwiga neza gukoresha camera z’ubwoko butandukanye, bakiga gutunganya amashusho n’amajwi, kumenya gufata amashusho hifashishijwe indege zitagira umupilote (Drones) cyangwa se Camera, gushushanya amashusho ‘graphics design’, kumenyereza mu mwuga w’itangazamakuru, TV Presenter,…

Agira ati “Dufite abarimu b’inzobere, intego yacu nka BTC ni uko bazajya barangiza amasomo yabo bakajya ku isoko ry’umurimo bahagaze neza”.

Yakomeje avuga ko andi mahirwe arimo, ari uko uzakurikirana aya masomo,  azajya ashakirwa ahantu ho kwimenyereza mu gihe kingana n’ukwezi kumwe, kuri televiziyo imwe mu zikorera mu Rwanda.

Kwiyandikisha  biratangira ku wa Mbere tariki ya 14 Ukwakira  2019,  aho ikigo BTC giherereye mu Biryogo mu nyubako ya Maison Tresol,  mu igorofa rya Gatatu .

Abazaba bujuje ibisabwa  bazatangira amasomo ku kwezi kwa 11.  Ku bindi bisobanuro wabariza kuri 0783721444.

Izindi wakunda

Bwiza.com