bwiza.com
Ahabanza » Patoranking ahishuye ko ari gukorana indirimbo na Meddy
Amakuru Imyidagaduro

Patoranking ahishuye ko ari gukorana indirimbo na Meddy

Umuhanzi w’Umunyanigeria witwa Patrick Nnaemeka Okorie uzwi nka Patoranking ari mu ihuriro ry’ubyiruko rwaturutse impande zitandukanye z’Afurika (Youth Connekt Africa 2019).

Patoranking yavuze ko akunda gukorana indirimbo na bagenzi be b’abahanzi bo mu bihugu bitandukanye ku mugabane w’Afurika. Ikimenyimenyi ngo ni uko bidasubirwaho, uyu muhanzi ari gukorana indirimbo n’umuhanzi w’Umunyarwanda, Ngabo Medard uzwi ku izina rya Meddy.

” Nkunda gukorana indirimbo n’abahanzi baturutse mu bihugu bitandukanye byo kuri uyu mugabane. Niba mutari mubizi ubu ndigukorana indirimbo na Meddy.”

Yageze mu Rwanda ejo hashize aje gususurutsa urubyiruko rwitabiriye iri huriro rikoranya abakora ibikorwa bitandukanye nk’abashoramari, abashakashatsi, abanyeshuri ndetse n’ibyamamare.

Meddy na we ari mu bahanzi batumiwe ngo basusurutse abitabiriye iri huriro ryatangiriye muri Kigali Arena kimwe na Bruce Melodie, Charly na Nina.

Iri huriro ni ryari risanzwe rihuza Abanyarwanda gusa ritangwamo ibihembo ku rubyiruko rufite imishinga  ihiga indi ku rwego rw’igihugu.

Patoranking tumuzi mu ndirimbo zitandukanye nka No Kissing Baby, Love You Die na God Over Everything. Meddy tukamumenyera ku zirimo Slowly, Nta Wamusimbura, All Night na Downtown.

 

 

 

Izindi wakunda

Bwiza.com