bwiza.com
Ahabanza » Polisi yahagaritse igitaramo cya Bobi Wine ivuga ko nta bapolisi ifite
Imyidagaduro

Polisi yahagaritse igitaramo cya Bobi Wine ivuga ko nta bapolisi ifite

Polisi yo mu gihugu cya Uganda yahagaritse igitaramo cya Depite Robert Kyagulanyi wamamaye nka Bobi Wine yari yarateguye ku munsi iki gihugu kizihizaho umnsi w’ubwigenge.

Umuyobozi wa Polisi Martin Okoth Ochola mu ibaruwa yandikiye uyu muhanzi yavuzeko nta buryo bwo gucungira umutekano abazitabira igitaramo cye kuko abapolisi bazaba bafite akazi kenshi.

Iyo baruwa igira iti” Nagira ngo nkumenyeshe ko ubuyobozi bwa polisi bwahagaritse igitaramo cyawe bitewe nuko ntaburyo buhari  bwo gucungira umutekano abazitabira igitaramo cyawe”

Umuvugizi wa polisi ikorera mu mujyi wa Kampala, Patrick Onyango yavuze ko uyu muhanzi atabona abapolisi bokwitabira igitaramo cye ngo bamufashe gucunga umutekano kuko bazaba bari mu muhango wo kwizihiza umunsi mukuru w’ubwigenge i Sironko.

Bobi Wine yamenye ibyaya makuru y’ihagarikwa ry’igitaramo cye yise Osobola, ubwo yari muri sitidiyo ari kwitegura i Kamwokya mu mujyi wa Kampala.

Kuva Bobi Wine yakwinjira mu nteko nshingamategeko ya Uganda ibijyanye n’umuziki we usa naho wagiye ukomwa mu nkokora na Leta ya Uganda hanini bamushinza guteza umutekano muke.

Izindi wakunda

Bwiza.com