Nibura Abasirikare 15 ba Tchad baguye mu mirwano yabahuje na Boko Haram kuwa Gatandatu.

Ibi byemejwe ku Cyumweru, itariki 10 Ugushyingo 2024, n’Umuvugizi w’ingabo, Gen. Issakh Acheikh, agira ati: "Abasirikare 15 biciwe mu gikorwa abandi 32 barakomereka."

Acheikh yatangaje kandi ko iki gikorwa cyahitanye abarwanyi 96 ba Boko Haram, abandi 11 barakomereka, hafatwa intwaro n’ibindi bikoresho.

Yijeje abaturage ko ibintu biri mu maboko y’igisirikare kandi ko igikorwa cyo "gukurikirana abarwanyi basigaye" gikomeje.

Amakuru aturuka mu gisirikare agera ku Biro Ntaramakuru by’Abafaransa, AFP, ko imirwano yabereye ku kirwa cya Karia, mu majyaruguru y’uburengerazuba bw’akarere ka Lac Chad.

Izindi Nkuru Bijyanye

Perezida Kagame yasabiye ibihano ibihugu bya EAC birimo RDC n’u Burundi

RDC yarunze inyeshyamba za FLN ya Rusesabagina hafi y’umupaka w’u Rwanda

Lubero: M23 yongeye gutana mu mitwe na FARDC