Abashakashatsi bo kuri Kaminuza ya Otago, muri Nouvelle Zélande na Kaminuza ya Dundee, bavuga ko umuntu akwiye gufungura nimiburiburi amagarama 25 ya "fibre" ku munsi.Bavuga ko ubishoboye yarenza amagarama 30, ko hari akarusho kanini.
Umuneke wose upima amagarama 120 (120g), ariko wose ntugizwe na "fibre".
Ukuyemwo isukari n’amazi biwurimwo, usigarana 3g ya "fibre".Kw’isi abantu benshi barya amagarama ya "fibre" ari munsi ya 20 ku munsi.
Mu Bwongereza, munsi y’umuntu umwe kuri 10 nibo bafungura amagarama 30 ya "fibre" ku munsi.Ugereranije, abagore bafungura 17g, abagabo nabo 21g ku munsi.
"Fibre" , iboneka kandi mu mboga,mu mukate, muri spaghetti hamwe no mu mbuto.Hari andi mafunguro kandi abonekamo Fibre nyinshi zikozwe mu ngano.Aha twavuga nk’nk’imigati, spaghetti, pasta, ibishyimbo, ama "lentilles", n’imbuto zitandukanye.BBC igaragaza ibyo umuntu akwiye kurya bikamwongerera Fibre mu mubiri zikagera n’amagarama 30.
Bimwe muri ibyo harimo igikombe cy’ingano cyangwa ibimeze nka zo - amagarama 9 ya "fibre",Udusate tubiri twa Weetabix - 3g "fibre,Igisate kinini cy’umugati w’ingano - 2g "fibre",igikombe cy’ama lentilles atetse - 4g "fibre"
Si ibyo gusa kuko harimo n’ikirayi gitekanywe igishishwa - 2g "fibre" Inusu y’igikombe cya "épinards" - 1g "fibre" karoti imwe - 3g "fibre" Pomme n’igishishwa cyayo - 4g "fibre"
Iki kinyamakuru gitangaza ko abahanga mu mirire bagaragaza ko ko mu gihe abantu 1000 bahora bafata "fibre" iri munsi y’amagarama 15, bakomeza bakageza ku magarama 25 gushyika kuri 29, bibafasha kwirinda impfu 13 zituruka ku ndwara y’umutima.
Ikindi kandi n’uko indwara ziterwa n’isukari yo mu bwoko bwa kabiri zigabanuka, cyo kimwe na kanseri, ikindi kandi ibiro biragabanuka, umuvuduko w’amaraso ndetse na "cholestérol".
Ukwo umuntu arya "fibre" nyinshi niko ubuzima bwe bumera neza kurusha.
Tanga igitekerezo