Umugaba Mukuru w’Ingabo z’u Rwanda akanaba Perezida w’icyubahiro wa APR FC, Gen Mubarakh Muganga, yasabye abakinnyi b’iyi kipe guhigura umuhigo bahize bagasezerera Pyramids FC.

Gen Mubarakh mu butumwa yanyujije ku rubuga rwa X, yabwiye abakinnyi ba APR FC ati: "Bakinnyi ba APR FC, mwatweretse ko muri Intare kandi mushoboye. Inama n’intego ni yayindi. Mwarahize natwe biba uko, nimuze duhigure abakunzi b’Inkotanyi barategereje. APR FC, intsinzi iteka".

Umugaba Mukuru w’Ingabo za RDF yibukije APR FC iby’uriya muhigo, mu gihe habura amasaha mbarwa ngo iyi kipe y’Ingabo z’Igihugu yesurane na Pyramids FC yo mu Misiri, mu mukino wo kwishyura w’ijonjora rya kabiri rya CAF Champions league.

Ni nyuma y’ubanza amakipe yombi yaguyemo miswi igitego 1-1 ku wa Gatandatu w’icyumweru gishize.

APR FC ifite umukoro wo gutsindira mu Misiri cyangwa ikahanganyiriza ibitego birenze kimwe, ikandika amateka yo kugera mu matsinda ya CAF Champions league bwa mbere mu mateka yayo.

Izindi Nkuru Bijyanye

Abakinnyi ba Nigeria banze gukina na Libya nyuma yo guhura n’uruva gusenya

Kylian Mbappé aravugwaho gufata ku ngufu

Capitaine Traoré yavuze imyato les Etalons nyuma yo kwisengerera u Burundi