Goma: Abasirikare 5 ba FARDC n’Abawazalendo bafatiwe mu mukwabu wo gusukura (…)

Muri rusange, abantu 9 bivugwa ko ari abagizi ba nabi batawe muri yombi n’inzego zishinzwe umutekano mu rwego rw’umukwabu wishwe "Safisha Muji wa Goma", bamurikiwe umuyobozi w’umujyi wa Goma, muri Kivu y’Amajyaruguru, n’Akarere ka 34 ka gisirikare ku wa Gatandatu, itariki ya 10 Kanama, 2024, hamwe n’imbunda 7 za AK-47 n’amasasu.

Muri bo harimo abasirikare 5 ba FARDC, 3 muri bo batawe muri yombi bazira "kugenda nijoro no gukwirakwiza amasasu y’intambara" n’abandi 2 mu gihe barimo batongana bapfa ibicuruzwa bari bibye i Rusayo, muri Teritwari ya Nyiragongo.

Irindi tsinda ni Abawazalendo babiri bo mu mutwe wa APCLS batawe muri yombi bazira "kwica umusore i Mugunga" ndetse n’abantu bashinjwa kuba barishe umusirikare wo muri Afurika y’Epfo wo mu butumwa bwa SADC mu ijoro ryo ku wa 19 rishyira ku wa 20 Nyakanga.

Umuyobozi w’Umujyi wa Goma, Komiseri Faustin Kamand Kapend, yijeje ko serivisi ze zikomeje kuba maso kugira ngo zisenye imiyoboro yose y’abagizi ba nabi nk’uko tubikesha mediacongo.net.

"Serivisi zacu ntizizacika intege, twari hasi nta guhagarika umutima, twabonye umwanya wo gukora iperereza kandi Imana ishimwe n’amakuru meza twashenye, ku ruhande rumwe, agatsiko k’abagize umutwe wa Satani II, brigade ya 11 yo gukwirakwiza amasasu ", nk’uko bisobanurwa n’Umuyobozi w’umujyi.

Ku bijyanye no guturika kw’amasasu mu ijoro ryo ku wa Gatanu rishyira kuwa Gatandatu mu gace ka Kyeshero, ubuyobozi bw’umujyi bwerekanye ko ari Abawazalendo bayobye bitwaje intwaro ebyiri na mudasobwa igendanwa bateye station ya polisi kandi aho hakomeretse aba PM babiri.

Bahamagariye abaturage gufatanya neza n’inzego z’umutekano kugirango batsinde ikibazo cy’umutekano muke.