Perezida w’urukiko rw’ikirenga wa Kenya Githu Muigai yavuze ko amatora ya perezida ateganyijwe muri iki gihugu nta kizayahagarika no mu gihe abatavuga rumwe n’ubutegetsi batayitabira.
Aya matora ateganyijwe tariki 26 Ukwakira azatangazwa tariki ya 1 Ugushyingo, mu gihe n’abo batavuga rumwe na leta batayitabira.
Muigai yabitangaje mu kiganiro n’abanyamakuru cyabereye i Nairobi, mu gihe bivugwa ko igihugu gishobora kujya mu bibazo bya politiki mu gihe tariki ya 1 Ugushyingo ayo matora yaba atarakorwa.
Tariki ya 1 Nzeri Urukiko rw’ikirenga rwasabye ko amatora ya kabiri agomba gukorwa mbere y’itariki ya I Ugushyingo, ni ukuvuga mbere y’iminsi 60 uru rukiko rufashe umwanzuro wo gusubiramo aya matora.
Muigai yavuze ko Perezida Uhuru Kenyatta azakomeza kuba perezida, akaba agomba kuva kuri uyu mwanya mu gihe haba hari perezida mushya wimitswe.
[xyz-ihs snippet="google-pub"]
Ku byerekeranye n’ihuriro ry’amashyaka atavuga rumwe n’ubutegetsi ( NASA) ryatangaje ko ritazitaba amatora igihe hatagira ibihindurwa ku bijyanye n’uburyo bwo gutora. Yavuze ko "nta na hamwe amatora yaburijwemwo ngo nuko hari umukandida wanze kuyitaba".
Kanda hano ubone amakuru yihuse kandi ku gihe kuri Facebook no kuri twitter
Ntakirutimana Deus @Bwiza.com
 

Izindi Nkuru Bijyanye

Amatora: Umubare w’abazatora wiyongereyeho miliyoni ebyiri zirenga ugereranije na 2017

Amatora: Wari uziko Perezida wa Repubulika akomeza kuyobora kugeza uwatowe arahiye?

Kenya: Urukiko rw’ikirenga rwahishuye icyatumye amatora azasubirwamo