Muri Kenya, icyifuzo cyo kweguza Visi-Perezida Rigathi Gachagua hemejwe ko cyakiriwe ku munsi w’ejo, ku wa Kabiri, itariki ya 1 Ukwakira, na Perezida w’Inteko Ishinga Amategeko. Iki cyifuzo cyashyizweho umukono n’abadepite 291, hejuru ya bibiri bya gatatu bisabwa, kirerekana ibirego cumi na kimwe. Abadepite bashinja visi-perezida kuba yararenze ku Itegeko Nshinga, amategeko ya Kenya ndetse n’amategeko mpuzamahanga.

Ni inyandiko y’impapuro zirenga 100 Mengi Mutuse, umudepite w’ishyaka rifite ubwiganze mu nteko rya perezida, yashyikirije Inteko Ishinga Amategeko ya Kenya ku itariki ya 1 Ukwakira. Iyi nyandiko ishinja cyane Rigathi Gachagua kuba yarateje amacakubiri ashingiye ku moko “bihungabanya ubumwe bw’igihugu”. Nk’ikimenyetso, ngo mu ijambo rye umwaka ushize yanenze imiyoborere y’abo mu bwoko bari ku butegetsi, agereranya guverinoma "na sosiyete ifite abanyamigabane".

Gushyigikira imyigaragambyo irwanya guverinoma

Abadepite bashyizeho umukono kandi bashinja visi-perezida kuba yarashyigikiye imyigaragambyo yo kurwanya leta muri Kamena kugira ngo abangamire ububasha bwa Perezida Ruto. Nyuma y’icyemezo cy’ubucamanza, Rigathi Gachagua yamaganye ku mugaragaro umucamanza w’Urukiko Rukuru, “bihanishwa kwirukanwa,” kubera ko ibyo bitero bibangamira ubwigenge bw’ubutabera. ”

Kwakira umutungo mu buryo butemewe n’amategeko

Nk’uko iyi nyandiko ikomeza ivuga, Rigathi Gachagua yaba yarabonye mu buryo butemewe umutungo ufite agaciro ka miliyari zirenga 5 z’Amashilingi, cyangwa miliyoni zirenga 35 z’Ama-Euro, abinyujije ku bagize umuryango we.

Nyuma rero y’uko, Perezida w’Inteko Ishinga Amategeko yakiriye icyifuzo cyo kweguza visi perezida, agomba na we kubigeza kuri Perezida wa Sena. Mu gihe Sena yaba yakiriye iki cyifuzo, hazashyirwaho komisiyo ishinzwe iperereza.

Izindi Nkuru Bijyanye

Tshisekedi yaba yaranze guhura n’Intumwa Idasanzwe ya EU ku bwende?

Paris: Iperereza kuri Callixte Mbarushimana ryahagaze kubera kubura ibimenyetso

Perezida Kagame yahinduriye imirimo ba Maj Gen Alex na Andrew Kagame