Perezidansi y’u Burusiya, Kremlin, yahakanye amakuru avuga ko Perezida wa Leta Zunze Ubumwe za Amerika, Donald Trump, yavuganye na Perezida w’u Burusiya, Vladimir Putin, aho bivugwa ko Trump yasabye Putin kudakomeza intambara muri Ukraine.

Kuri uyu wa Mbere, itariki 11 Ugushyingo 2024, Umuvugizi wa Kremlin, Dmitry Peskov, yatangaje ko ibyatangajwe mu itangazamakuru ari “ibihimbano byuzuye”, avuga ko Putin nta gahunda yihariye afite yo kuvugana na Trump muri iki gihe.

“Ibi ntabwo ari ukuri. Ibi n’ibihimbano byuzuye, ni amakuru y’ibinyoma gusa. Nta biganiro byabaye, ” uyu ni Peskov avugana n’abanyamakuru.

Peskov yagize ati: "Uru ni urugero rugaragara rw’ireme ry’amakuru arimo gutangazwa ubu, rimwe na rimwe ndetse no mu bitangazamakuru bizwi cyane."

Abajijwe niba Putin afite gahunda yo guhura na Trump, Peskov yagize ati: “Nta gahunda ifatika ihari.”

Ikinyamakuru Washington Post cyatangaje bwa mbere ko ku wa Kane, Trump yahamagariye Putin mu rugo rwe i Mar-a-Lago muri Florida, nyuma y’iminsi mike atsinze amatora mu buryo butangaje Visi Perezida Kamala Harris wari umukandida w’Abademokarate.

Izindi Nkuru Bijyanye

Putin yategetse ko za Satan 2 zitegurwa

Nyabihu: Ababyeyi bavuga ko babuze umwana wabo w’umukobwa,abakozi ba RIB bababwiyeko ntacyo babikoraho

Uko byagenze ngo Salman Khan u Rwanda rwashyikirije u Buhinde afatwe