Urwego rwa Rwanda Premier league rutegura shampiyona y’icyiciro cya mbere mu Rwanda, rwateye utwatsi ubusabe bw’ikipe ya APR FC yari yarusabye gusubika umukino w’umunsi wa 12 wa shampiyona ifitanye na Police FC.

Ku wa Gatanu tariki ya 29 Ugushyingo ni bwo APR FC yari yandikiye ubuyobozi bwa Premier league isaba ko uriya mukino usubikwa, kuko yapangiwe gukina imikino myinshi y’ibirarane itabanje kugishwa inama.

Ni APR FC yagaragaje ko yari yanumvikanye na Police ko umukino bafitanye ku wa Gatatu w’icyumweru gitaha wasubikwa.

Ikipe y’Ingabo z’igihugu kuri iki Cyumweru izakina na AS Kigali mu mukino w’umunsi wa 11 wa Shampiyona, ku wa Gatatu ikine na Police FC mbere yo kwesurana na Rayon Sports ku wa Gatandatu tariki ya 7 Ukuboza, mu mukino w’umunsi wa gatatu wa shampiyona utarakinwe ku gihe.

Amakuru avuga ko Rwanda Premier league yateye utwatsi ubusabe bwa APR FC yamenyesheje ko uru rwego ari rwo rugena uko imikino ya shampiyona igomba gukinwa, aho kuba amakipe.

Ubusabe bwa APR FC bwatewe utwatsi mu gihe mu ntangiriro za Shampiyona amakipe ya AS Kigali na Kiyovu Sports na Musanze na Muhazi yagiye yumvikana agahindura imikino yayo; ibyo ikipe y’Ingabo z’igihugu yafashe nko kutayibanira.

Izindi Nkuru Bijyanye

Abafana benshi bapfiriye mu mukino wo gushyigikira kandidatire ya Perezida Mamady Doumbouya

Perezida Kagame yitabiriye isiganwa rya Formula 1

Real Madrid yitabaje Zidane ngo afashe Mbappe kugaruka mu bihe byiza