Bus yari itwaye abana benshi bo mu ishuri ribanza yakoze impanuka ifatwa n’inkongi y’umuriro hanze y’umurwa mukuru wa Thailand, Bangkok, kuri uyu wa Kabiri, itariki 1 Ukwakira 2024.

Minisitiri w’ubwikorezi mu gihugu avuga ko abana 16 n’abarimu batatu barokotse, ariko abanyeshuri 22 n’abarimu batatu kugeza ubu birakekwa ko bapfuye.

Minisitiri w’Intebe wa Thailand yavuze ko iyi mpanuka yateje "impfu no gukomereka", ariko umubare nyawo w’abapfuye nturamenyekana.

Amafoto yerekana bisi yakongowe n’umuriro. Nk’uko ibitangazamakuru byaho bibitangaza, ngo abashinzwe iperereza ngo ntibashoboye kwinjira mu modoka kubera ubushyuhe.

Umukozi wa minisiteri y’ubuzima yavuze ko umunani mu bantu 19 bashoboye kurokoka boherejwe mu bitaro kwivuza.

Bus yari imwe muri eshatu zari zitwaye abana n’abarimu bagarutse bava mu rugendo shuri mu Ntara ya Uthai Thani yo mu majyaruguru y’igihugu.

Minisitiri w’ubwikorezi Suriyahe Juangroongruangkit yavuze ko bisi ikoreshwa na lisansi ikomoka kuri gaze yatunganyijwe irimo methane "ishobora guteza akaga".

Bwana Suriyahe yabwiye abanyamakuru aho yari ari ati: "Iki ni ikintu kibabaje cyane."

"Minisiteri igomba gufata ingamba… niba bishoboka, ibinyabiziga bitwara abagenzi nk’ibi bibuzwe gukoresha ubu bwoko bwa lisansi kuko bishobora guteza akaga."

Izindi Nkuru Bijyanye

Tshisekedi yaba yaranze guhura n’Intumwa Idasanzwe ya EU ku bwende?

Paris: Iperereza kuri Callixte Mbarushimana ryahagaze kubera kubura ibimenyetso

Perezida Kagame yahinduriye imirimo ba Maj Gen Alex na Andrew Kagame