Umushinjacyaha Mukuru, Havugiyaremye Aimable, yatangaje ko mu mwaka ushize (2022-2023) w’ubucamanza, ubushinjacyaha bwatsinze imanza 91% mu zo bwaburanye mu nkiko zitandukanye.

Ibi yabivuze ubwo yari mu muhango wo gutangiza umwaka mushya w’ubucamanza (2023-2024) witabiriwe n’inzego zose zihuriye mu runana rw’ubutabera kuri uyu wa 4 Nzeri 2023.

Havugiyaremye yavuze ko mu mwaka w’2021-2022, ubushinjacyaha bwari bwarihaye intego yo gutsinda imanza 93%, gusa habura 2% ngo buyigereho.

Yagize ati: “Twari twihaye intego yo kuzamura ireme ry’imikorere y’amadosiye kugira ngo tuzamure ikigero ubushinjacyaha butsindiraho amadosiye twaregeye inkiko. Twari twihaye intego ko byibuze amadosiye 93% twazajya tuyatsinda, tukaba twarabigezeho ku kigero cya 91%.”

Raporo y’ubucamanza igaragaza ko imanza zakiriwe mu nkiko mu mwaka ushize ari 91.381.

Izindi Nkuru Bijyanye

Prof. Harelimana yasobanuye byinshi ku majwi yumvikanyemo yigamba kwirukana abatemeranya na we

Muhanga: Ushinjwa kwiba toni 10 za sima yavuze ko yabitewe n’inzara

Kazungu Denis yoherejwe mu igororero