FPR

Kwamamaza

Kwamamaza

Abacururiza mu isoko rya Kayonza bugarijwe n’uruhuri rw’ibibazo

0

Abacururiza mu isoko rya Kayonza riherereye mu murenge wa Mukarange, bavuga ko babangamiwe cyane n’uruhurirane rw’ibibazo bibangamira ubucuruzi bwabo bakisanga mu gihombo.

Bavuga ko ibibazo bafite bibaye bidakemuwe, bamwe bashobora kureka gucuruza, bitewe n’igihombo baterwa no gukorera mu isoko ridafite amatara ndetse n’ububiko bw’ ibicuruzwa byabo,…

Umwe muri aba bacuruzi yemeza ko muri iri soko harimo ibibazo byinshi kandi bibangamiye abarikoreramo, agasaba ko byakemurwa kugira ngo bidakomeza kubatera igihombo.

Yagize ati “harimo ibibazo byinshi, nk’ubu imvura iyo yaguye turanyagirwa n’ibicuruzwa byacu bikangirika, ikindi uko  ubibona nta mashanyarazi ari hano bigatuma dutaha kare buri munsi kandi twakagombye gutaha ducuruje n’ay’ijoro,… dutinya kwibwa n’abajura kubera umwijima, umutekano w’ibintu byacu nawo ntiwizerwa,…

Abacuruza imbuto bavuga ko babangamirwa n’abakora ubucuruzi bw’akajagari badatanga umusoro kandi bagacuruza kuri make.

Uyu ati “ubucuruzi bw’imbuto bukorwa mu kajagari, urajya nko mujyi ugasanga bikoreye imbuto bacuruza mu mu handa, uburuzi dukora ntibugenda kuko baca ku mpande yacu ugasanga twebwe nta bakiriya kandi ni benshi cyane ku buryo twageze aho dutanga igiterezo ku karere ariko byarananiranye “.

Akomeza avuga ko kuba badasora bagurisha ku biciro biri hasi, bigahombye abari mu isoko imbere, ati “ntibasora ni nayo mpamvu babona abakiriya kuko bagurisha make bitewe n’uko bakora mu kajagari badatanga imisoro nkuko tuyitanga”.

Umunyamabanga Nshingwabikorwa w’umurenge wa Mukarange, Nsabimana Jean Bosco avuga ko ibibazo bivugwa mu isoko rya Kayonza bizwi.

Yagize ati “nkuko mwabibonye ririya soko ryubatswe kera ntirijyanye n’igihe, nyuma yo kugenzura byose abashinzwe ibikorwaremezo barimo gutegura uburyo hashyirwamo amashanyarazi nubwo barimo kuhakorera by’agateganyo”.

Akomeza avuga ko hagomba kubakwa isoko rijyanye n’igihe ubu ririmo gukorerwa inyigo, akizeza ko bafatanyijwe n’inzego z’umutekano barimo kurwanya abakorera ku ruhande rwaryo bahombya abazwi banatanga umusoro.

Tanga igitekerezo cyawe

Your email address will not be published.