Abanyamakuru barasaba ko gusebanya bikwiye kujya mu byaha mbonezamubano, aho kujya mu byaha bihanwa

8

Mu biganiro byahuje abanyamakuru,urwego rw’abanyamakuru rwigenzura(RMC) n’ishyirahamwe ry’abanyamakuru,byateguwe n’umuryango w’abanyamakuru baharanira amahoro,pax press kuri uyu wa kabiri tariki ya 5 ukuboza 2017,byari bigamije kuganira Ku ngingo 5 zirimo kuvugururwa Ku cyaha cyo gusebanya,aho muri izi ngingo hagaragaramo ko uzajya agaragaraho gusebanya,azajya ahanishwa igifungo ndetse hakaniyongeraho gucibwa amande.
Imwe muri izo ngingo,ni ingingo ya 254,ivuga ko umuntu ukoza isoni,mu magambo ,mu bimenyetso, cyangwa ibikangisho ,inyandiko cyangwa ibishushanyo ,umwe mu bagize inteko ishinga amategeko,umwe mu bagize Guverinoma,abashinzwe umutekano ,cyangwa undi wese ushinzwe umurimo rusange w’igihugu ,mu gihe akora umurimo ashinzwe,aba akoze icyaha.
[xyz-ihs snippet=”google”]
Nk’uko bigaragara muri iyi ngingo , uzahamwa n’iki cyaha azajya ahanishwa igifungo kitari mu nsi y’umwaka umwe ariko kitageze Ku myaka ibiri,n’ihazabu itari mu nsi 500.000 frw ariko itarenze 1.000.000 cyangwa kimwe muri byo.
Ibi abanyamakuru babifata nko kubabuza uburenganzira bwabo,bwo gukora akazi kabo neza.
Edith Nibakwe,avuga ko ubusanzwe umunyamakuru avuga ibyo yabonye, kandi biri mu nyungu z’abaturage.
Yagize ati”biramutse bigumye gutya, njye mbona byaba ari ukutubuza uburenganzira bwacu,ndetse n’uruhare rwacu mu gufasha umuturage”.
Ntwari John’s William nawe avuga ko ibyo abanyamakuru bavuga,batangaza cyangwa bandikaho,n’ubundi biba ari ibisanzwe mu nshingano z’abayobozi,icyo bo baba babasaba,ni ukubereka ibyo bakagombye kuba bakora,batakoze cyangwa se ibyo bakoze nabi,ntiyumva rero uburyo kubigaragaza byaba ari ugusebanya.
Abanyamakuru bavuga ko bifuza ko urwego rw’abanyamakuru bigenzura,RMC rwagumana inshingano yarwo yo gucyebura abanyamakuru bagaragayeho amakosa mu mwuga wabo.
Ines Nyinawumuntu,avuga ko n’ubundi umuntu yashatse kugushyiraho icyaha cyo gusebanya,yabishatse bitamunanira,ahubwo ngo nibareke RMC ikomeze inshingano zayo
Yagize ati”Ndifuza ko ahubwo RMC yahabwa imbaraga,igakomeza akazi kayo ko guhana,cyangwa kunga umunyamakuru wagaragayeho amakosa nuwo yayakoreye,kuko n’ubundi biri mu nshingano zayo,kandi yabikoraga neza”.
Cleophas Barore umuyobozi w’urwego rw’abanyamakuru bigenzura,RMC Cleophas Barore,avuga nk’uko abanyamakuru basabye ko ibitekerezo byabo byakorerwa inyandiko igashyikirizwa inteko ishinga amategeko,bizakorwa ibyifuzo byabo bikagezwayo.

Kuba bifuza ko RMC yakomeza guhana no gukurikirana umunyamakuru wakoze icyaha,nabyo bizashyikirizwa inteko
Yagize ati”abanyamakuru barifuza ko ibitekerezo byabo,bishyikirizwa inteko,tuzabijyana,ikindi nuko bavuga ko icyo cyaha cyahanwa,ariko ko igifungo atari cyo gihano gikwiye,ahubwo bakifuza ko nkuko byari bisanzwe,uru rwego nk’urw’abanyamaku rubafasha kwigenzura ubwabo, rwagumana inshingano zarwo,ibi nabyo bazabigaragariza inteko nkuko babyifuje”.
Barore kandi avuga ko ukurikije politike y’igihugu,gufunga bitakabaye kuba ari byo biza imbere, kuki umunyamakuru wacikwa agakora ikosa yakabaye aruhukira mu buroko, ngo ukurikije n’amahame agenga uyu mwuga,bakurikije nuko mu bindi bihugu bimeze,usanga hari uburyo ibyaha bikorewe mu mwuga bihanwa,ariko hatagiyeho ibifungo.Uru rwego rw’abanyamakuru bigenzura,ruvuga ko mu birego 250 rumaze kwakira kuva rwashyirwaho muri 2013, ibyaha 50 muri byo byari bifitanye isano no gusebanya,kandi byacyemutse neza.
 
Kanda hano ujye ubona amakuru yihuse kandi kugihe kuri Facebook no kuri twitter
 
Uwambayinema M. Jeanne/Bwiza.com

Musubize:

Tanga igitekerezo
Andika amazina