Amafoto: Perezida Kagame yabonanye na Perezida w’u Burusiya mbere y’uko Igikombe cy’Isi gitangira

0 1,269

Perezida w’u Rwanda, Paul Kagame, ari mu gihugu cy’u Burusiya, aho yakiriwe na mugenzi we, Vradmir Putin ku ngoro ye I Kremlin nyuma y’iminsi mikeya minisitiri w’ububanyi n’amahanga w’iki gihugu, Sergei Lavrov, akubutse mu ruzinduko rw’akazi mu Rwanda.

Nk’uko bigaragara ku mafoto dukesha urubuga rwa perezidansi, perezida kagame yakiriwe na mugenzi we w’u Burusiya, Vradmir Putin kuri uyu wa Gatatu bagirana ibiganiro ku mubano w’ibihugu byombi.

Mu ntangiriro z’uku kwezi kwa Kamena nibwo minisitiri w’ububanyi n’amahanga w’u Burusiya, Sergei Lavrov yagiriye uruzinduko rw’akazi mu Rwanda abonana n’abayobozi batandukanye barimo perezida kagame na mugenzi we w’ububanyi n’amahanga w’u Rwanda, Louise Mushikiwabo.

Yabanje kubonana na Perezida wa Repubulika Paul Kagame, nyuma abonana na Minisitiri w’ububanyi n’amahanga w’u Rwanda, Louise Mushikiwabo, banagirana ikiganiro n’itangazamakuru.

Minisitiri Mushikiwabo yavuze ko uru ruzindiko rwa Minisitiri w’ububanyi n’amahanga w’Uburusiya Sergei Lavrov mu Rwanda ari intambwe ikomeye mu kurushaho kunoza umubano w’ibihugu byombi uri kugenda urushaho gukomera.

Minisitiri Mushikiwabo yavuze ko mu biganiro yagiranye na Lavrov banumvikanye ku kurushaho gukomeza imikoranire hagati ya Africa n’u Burusiya, cyane cyane k’uburezi n’amahugurwa.

Minisitiri w’ububanyi n’amahanga w’u Burusiya kandi mu kiganiro n’itangazamakuru yatangaje ko u Rwanda n’u Burusiya biri kuvugana ku kuntu u Rwanda rwagura intwaro z’ubwirinzi bw’ibitero byo mu kirere muri iki gihugu kuri ubu gifatwa nk’igifite ubwirinzi bw’ibitero byo mu kirere buteye imbere kurusha ibindi ku Isi.

 

Tanga igitekerezo

Your email address will not be published.