Kiyovu Sports inigaguye Vision FC

Kuri uyu wa Gatanu tariki 25 Mata 2025, Kiyovu Sports yatsinze Vision FC igitego 1-0 mu mukino w’umunsi wa 25 wa shampiyona y’Icyiciro cya Mbere, wabereye kuri Kigali Pelé Stadium.

Ni umukino wari utegerejwe cyane kuko amakipe yombi ari mu myanya ya nyuma ku rutonde rw’agateganyo, bityo gutsinda bikaba byari ingenzi.

Igitego rukumbi cyabonetse ku munota wa 59, ubwo myugariro wa Vision FC, Stephen Bonney, yitsinze ku mupira wari ugaruwe na Nizigiyimana Karim “Mackenzie”.

Nyuma y’icyo gitego, Kiyovu Sports yakomeje kwitwara neza mu bwugarizi, igumana amanota yose atatu, byayifashije kugera ku manota 30 no gufata umwanya wa munani by’agateganyo.

Indi mikino y’umunsi wa 25 izakomeza kuri uyu wa Gatandatu no ku Cyumweru tariki ya 28 Mata 2025.