FPR

Kwamamaza

Kwamamaza

Angelina Jolie yiswe umubeshyi kabuhariwe n’uwahoze ari umugabo we

0

Uwahoze ari umugabo wa Angelina Jolie, Brad Pitt yatangaje ko ibyo umugore we  avuga ko nyuma y’imyaka ibiri ishize batandukanye nta mafaranga ahagije amuha nk’uruhare rwe mu burezi bw’abana, ari ikinyoma cyambaye ubusa.

Brad Pitt abinyujije ku bamuhagarariye mu mategeko, yavuze ko Angelina Jolie ari umubeshyi kabuhariwe bitewe n’uko we azi neza ko yamuhaye arenga miliyoni 9 z’Amadolari mu gihe cy’imyaka ibiri bamaze batandukanye.

Inyandiko zemewe zakubisweho akajisho n’ikinyamakuru cya TMZ  zivuga ko uyu mugabo bigaragara ko yafashe inguzanyo ya miliyoni 8 z’amadolari mu rwego rwo kugura inzu  Angelina Jolie abamo muri iyi minsi.

Brad Pitt avuga ko yongeyeho na miliyoni imwe n’igice y’amadolari agenewe gufasha abana.

Aba banyamategeko bavuga ko Jolie n’abanyamategeko be bagamije kujijisha itangazamakuru bakwirakwiza ibinyoma kugira ngo urukiko rumwemerere gatanya yihuse maze yishakire undi mugabo.

Aba bongeyeho ko ari bo mu cyumweru gishize bahamagaye ababuranira Angelina Jolie kugira ngo baganire ku ngingo zijyanye no kurera abana no kugabana imitungo.

Aba banyamategeko bavuga ko inyandiko Angelina Jolie yahaye urukiko kuwa Kabiri w’icyumweru gishize zigamije guha ingufu amakimbirane kandi ko ibijyanye n’ubufasha bw’abana abizi neza.

Jolie arera abana batandatu barimo babiri yabyaranye na Brad Pitt
Angelina Jolie n’abana yabyaranye na Brad Pitt

Fred Masengesho Rugira/Bwiza.com

Tanga igitekerezo cyawe

Your email address will not be published.