DGPR

Kwamamaza

Kwamamaza

Burundi: Abantu bataramenyekana basenye Ingoro y’ishyaka UPRONA muri Rugombo

0

Ingoro nshya y’ishyaka UPRONA iri ahitwa Kagazi, muri Komini Rugombo, mu Ntara ya Cibitoke, ho mu gihugu cy’u Burundi, yibasiwe n’abantu bataramenyekana barayisenya bimwe mu byari biyigize biribwa.

Umunyamabanga w’iri shyaka muri iyi komini, Celestin Havyarimana yamaganye iki gikorwa asaba ko hakorwa iperereza kugirango ababikoze bahanwe. Kuri we, ngo iri ni iterabwoba ririmo gukorerwa abarwanashyaka ba UPRONA kugirango ntibakomeze kwitegura amatora yo mu 2020.

Iyi ngoro ya UPRONA nk’uko byemezwa na Celestin Havyarimana, ngo yarasenywe, imiryango yayo n’amadirishya biribwa mu gihe amagambo yari yanditseho yasibwe nk’uko iyi nkuru dukesha Ubmnews ikomeza ivuga.

Umunyamabanga wa UPRONA muri Komini Rugombo yakomeje avuga ko nubwo ibyabaye bibabaje, ahamagarira abarwanashyaka b’iri shyaka kwihangana bakarindira ibizava mu iperereza ririmo gukorwa.

Uko ingoro yari imeze mbere yo gusenywa

Kugeza ubu nk’uko iyi nkuru isoza ivuga, umuntu umwe akaba amaze gutabwa muri yombi mu rwego rw’iperereza

Tanga igitekerezo cyawe

Your email address will not be published.