FPR

Kwamamaza

Kwamamaza

Farumasi 4 muri 18 zafatiwemo imiti y’amatungo itujuje ubuziranenge zamaze gufungwa

0

Guhera ku itariki ya 3 kugeza kuya 6 Nyakanga, Minisiteri y’Ubuhinzi n’Ubworozi (MINAGRI), Ikigo k’Igihugu gishinzwe iterambere ry’ubuhinzi n’ubworozi (RAB) ku bufatanye n’Urwego rw’Igihugu rushinzwe Ubugenzacyaha (RIB) byakoze igenzura mu maguriro y’imiti y’amatungo 52, aho 18 muri yo yafatanywe imiti itujuje ubuziranenge.

Ibi bigo na Minisiteri bivuga ko iyi miti itujuje ubuziranenge irimo imaze amezi 3 irengeje igihe, iy’imyiganano n’indi ibujijwe mu gihugu ari bimwe mu ntandaro y’imfu z’amatungo za hato na hato zimaze iminsi zigaragara mu gihugu.

Izi nzego zivuga ko imiti yafashwe mu isuzuma ikamurikwa kuwa 9 Nyakanga ifite agaciro ka Miliyoni zikabakaba 25 z’amafaranga y’u Rwanda, imyinshi miri yo ikaba yarinjiye mu gihugu mu buryo bunyuranyije n’ammategeko.

Umuyobozi mukuru w’agateganyo ushinzwe kugenza ibyaha bisanzwe n’ibijyanye n’iterabwoba muri RIB, Peter Karake avuga ko icyari kigamijwe kwari ukureba imiti ivura amatungo iri ku isoko niba ntaho ihuriye n’impfu z’inka zari zimaze iminsi zigaragara.

Peter Karake, Umuyobozi wungirije ushinzwe kugenza ibyaha bisanzwe muri RIB

Agira ati “Nyuma y’impfu z’amatungo zagaragaye, urugero muri Gatsibo aho inka 26 zapfuye bitunguranye, byaje kugaragara ko imiti yakoreshejwe itujuje ubuziranenge yaba yarabigizemo uruhare. Twahise rero dushakisha iyo miti ngo ikurwe ku isoko kuko itemewe”.

Farumasi 52 zakoreweho igenzura ziherereye mu turere 9 two mu mujyi wa Kigali no mu Ntara y’Iburasirazuba, iy’Uburengerazuba n’iy’Amajyepfo,  muri izo Farumasi 4 zafunzwe, 3 muri zo ziri mu mujyi wa Kigali indi imwe mu karere ka Huye mu gihe izasigaye zihanangirizwa.

Umuyobozi w’ishami rishinzwe ubugenzuzi  bw’ubuvuzi bw’amatungo Dr Rukundo Jean Claude yabwiye itangazamakuru ko hari zimwe mu nka zapfuye kubera ikibazo cyo kuvangavanga imiti yica uburondwe cyabayeho, ariko hakaba n’izindi zatewe n’indwara y’ubuganga bwo mu gishanga (Rift Valley Fever) yakunze kwigaragariza mu bice byegereye ahanyura uruzi rw’Akagera, Akanyaru na Nyabarongo kuko ari ahantu imibu yororokera.

Uyu muyobozi kandi avuga ko iyo uwagaragaweho gucuruza imiti itujuje ibisabwa afungirwa bizinesi ye burundu, yaba ari umuganga w’amatungo wawukoresheje agashyikirizwa urugaga rw’abavuzi b’amatungo rukamugenera ibimukwiye.

 

Tanga igitekerezo cyawe

Your email address will not be published.