Gabiro Guitar yahuye n’abatekamutwe yitabaza inzego z'umutekano

9

Mu minsi ishize nibwo ku rukuta rwa instagram rw’umuhanzi Gabiro Guitar hacicikanye amakuru yavugaga nabi abahanzi batandukanye , kuburyo abenshi bibajije icyabaye kuri uyu muhanzi dore ko ari ingeso zitari zimuzwiho, ibi  byatumye yitabaza inzego z’umutekano ngo zimufashe.
Bwiza.com yifuje kumenya icyari kibyihishe inyuma tuganira n’uyu muririmbyi adutangariza ko atariwe washyiraga aya makuru mabi hanze ahubwo ko yari yaribwe urukuta rwe rwa instagram.
Yagize ati:“ Nagize ikibazo mu minsi ishize mpura n’abatekamutwe banyiba instagram yanjye, uwayibye akajya yandikaho ibintu bibi avuga bagenzi banjye nabi, barimo The Ben, Bull Dog, Jay Polly, Aline Gahongayire, Ama G, n’abandi ntibuka neza, yashyiragaho amafoto yabo akabavuga nabi. nkimara kubibona nahise nitabaza inzego zishinzwe umutekano ndabamenyesha mbabwira uburyo uwo mutekamutwe yibye urukuta rwanjye agashaka ko muha amafaranga ngo arunsubize, baramfashije ndarusubirana ariko sinzi niba nyirubwite baramufashe”.
Gabiro yakomeje avuga uburyo byarangiye ndetse ko yanasabye imbabazi abo byagizeho ingaruka agira ati: “nibyo koko uwo muteka mutwe yanteranyije n’abantu benshi ndetse byumwihariko anteranya n’abahanzi bagenzi banjye, nyuma maze kuyigaruza nanditse nsaba imbabazi ndetse nisegura kubo byagizeho ingaruka z’ako kanya”.
Gabiro kandi yaboneyeho kutugezaho indirimbo ye nshya yise “Do Re Mi Fa Sol” aho yanayituye abakunzi be ndetse abizeza ko uyu mwaka abafitiye imishinga ihambaye iruta kure iyo yashyize hanze mu myaka ishize.
Kanda Subscribe ujye ubona Video zigezweho 

JD Dushimimana – bwiza.com

Musubize:

Tanga igitekerezo
Andika amazina