Hamenyekanye ko ubunyobwa, Diamond Karanga, umuhanzi Diamond yiyitirira atari ubwe

21

Nyuma y’aho hatangiye kumvikana umwuka mubi hagati ya Clouds Media Group na studio y’umuhanzi Diamond Platnumz izwi nka Wasafi, amabanga yari ari hagati y’ibi bigo byombi yatangiye kujya ahagaragara ndetse hamenyekana ko ubunyobwa bwa Diamond Karanga bukorwa na Clouds, ahubwo Dimond akaba ari ambasaderi nk’uko abereye ambasaderi Belaire.
Umwe mu bashyize aya makuru ahagaragara witwa Mange Kimambi nk’uko tubikesha Udakuspecially, yatangaje ko bitandukanye n’uko benshi babyibwira, Diamond ari ambasaderi wa Diamond karanga nk’uko yahoze ari ambasaderi wa Danube.
Ati: “Ubwo uvuze ko Diamond Karanga ari iya Diamond waba uvuze ko na Danube ari iye”.
Ku kuba izina rya diamond risa nk’iry’ubu bunyobwa hakaba hakekwa ko izina rye kuba ryarakoreshejwe yaba abyishyurirwa, uyu mukobwa yatangaje ko diamond karanga yabaye na Diamond ataraba icyamamare.
Ati: “Ikibazo benshi mwamenye ubwo bunyobwa mu mwaka ushize ariko ubwo bunyobwa bumaze ku isoko imyaka myinshi. Diamond ni ambasaderi gusa wa Diamond Karanga, nk’uko abandi bahanzi ari ba ambasaderi ba Hyatt Regency n’ibindi bicuruzwa. Nta kindi.”

Ibyatangajwe n’uyu mukobwa byaje kwemezwa n’ubuyobozi bwa Clouds Media mu mpera z’icyumweru gishize ubwo ubuyobozi bw’iki kigo bwashyiraga ku rubuga rwacyo video igaragaza umugabo witwa Radima w’umushoramari bivugwa ko ari we nyiri uruganda rukora ubunyobwa bwa Diamond Karanga afatanyije na nyiri Clouds witwa Joseph Kusaga, bari gutembera muri uru ruganda.
Hanyujijweho ubutumwa buvuga ko aba bagabo bombi ari bo ba nyiri uru ruganda, naho umuhanzi Diamond akaba ari ambasaderi wa Diamond Karanga.
 
Kanda Subscribe ujye ubona Video zigezweho 

Musubize:

Tanga igitekerezo
Andika amazina