DGPR

Kwamamaza

Kwamamaza

Imitwe ibiri y’inyeshyamba zirwanya Leta y’u Burundi yakozanyijeho hapfamo batandatu

0

Imirwano hagati y’inyeshyamba ‘Red Tabara na Forebu’ ikomoka mu Burundi yabereye mu karere ka Uvira, muri Repubulika Iharanira Demokarasi ya Congo, yaguyemo abantu batandatu.

Amakuru VOA ikesha abayobozi bo muri ako gace, yemeza ko iyo mirwano yabaye mu ijoro ryo ku wa Gatatu tariki ya 9 Gicurasi 2018, inyeshyamba za Red Tabara zitakarizamo benshi.

Bavuga ko abagera kuri bane bo muri Red Tabara aribo baguye muri uku gushyamirana n’abandi babiri barakomereka, mu gihe ku ruhande rwa Forebu abaguye muri iyo mirwano ari babiri n’umwe wakomeretse.

Umwe mu bayobozi utifuje ko amazina ye atangazwa yatangaje ko ku wa Kane tariki 10 Gicurasi, Red Tabara yagabye ikindi gitero kitagize uwo gihitana ahitwa Kidyama, habarizwa ibirindiro bya Forebu.

Aya makuru yo gushyamirana hagati y’iyi mitwe y’inyeshyamba yombi irwanya Leta y’u Burundi, aremezwa n’inzego z’umutekano i Burundi ariko icyaba kirimo kubatera gushwana kikaba kitaramenyekana.

 

Tanga igitekerezo cyawe

Your email address will not be published.