{"id":10020,"date":"2018-04-26T05:58:48","date_gmt":"2018-04-26T05:58:48","guid":{"rendered":"https:\/\/new.bwiza.com\/2018\/04\/26\/kigali-uruganda-rwengaga-ikinyobwa-cya-kambuca-rwafunzwe\/"},"modified":"2018-04-26T05:58:48","modified_gmt":"2018-04-26T05:58:48","slug":"kigali-uruganda-rwengaga-ikinyobwa-cya-kambuca-rwafunzwe","status":"publish","type":"post","link":"https:\/\/bwiza.com\/?p=10020","title":{"rendered":"Kigali: Uruganda rwengaga ikinyobwa cya Kambuca rwafunzwe"},"content":{"rendered":"
\n

Ku itariki ya 24 Mata, inzego z\u2019umutekano zifatanyije n\u2019Ikigo cy\u2019Igihugu gishinzwe Ubuziranenge (Rwanda Standards Board-RSB), n\u2019abayobozi b\u2019inzego z\u2019ibanze bafunze uruganda rwengaga ikinyobwa cya Kambuca ( kombucha<\/em> ) kitujuje ubuziranenge kandi rwakoraga mu buryo butemewe n\u2019amategeko, hanamenwa litiro 11,000 z\u2019icyo kinyobwa zari zimaze gutunganywa, hanafatwa abantu 9 bagicururizaga mu tugari twa Nyabugogo na Kimisagara two mu murenge wa Kimisagara.<\/p>\n<\/div>\n

<\/div>\n
\n

Uru ruganda rwafunzwe rwitwa Herboristerie Maranatha Hema Ltd., ruherereye mu murenge wa Muhima, rukaba ari urw\u2019uwitwa Maniraguha Martin.<\/p>\n<\/div>\n

<\/div>\n
\n

Umuvugizi wa Polisi mu mujyi wa Kigali, Senior Superintendent of Police (SSP) Emmanuel Hitayezu, yavuze ko uru ruganda ari rwo rwarangurirwagamo iki kinyobwa cya Kombuca zicuruzwa hirya no hino mu mujyi wa Kigali.<\/p>\n<\/div>\n

<\/div>\n
\n

SSP Hitayezu yagize ati:\u2019\u2019Nyuma y\u2019uko hari hamaze kugaragara ahantu harindwi hacururizwaga iki kinyobwa kitujuje ubuziranenge kizwi nka \u2018\u2018Kombuca\u2019\u2019 mu mudugudu wa Nyabugogo, akagari ka Kimisagara mu murenge wa Kimisagara ahafatiwe litiro 1,000, twaje kumenya ko zirangurirwa mu ruganda rwa Maniraguha Martin ruherereye mu murenge wa Muhima, akagari k\u2019Amahoro, mu mudugudu w\u2019Ubuzima. Twahise twerekezayo tuhasanga litiro 10,000 za Kombuca, dusanga aho ikorerwa nta suku ihari n\u2019ibikoresho bifashisha mu kuyikora bitujuje ubuziranenge.\u2019\u2019<\/p>\n<\/div>\n

<\/div>\n
\n

SSP Hitayezu yakomeje avuga ko yahise yangirizwa imbere y\u2019abaturage, nabo bagirwa inama yo kutanywa ibinyobwa batizeye, ababyenga n\u2019ababicuruza basabwa kubireka.<\/p>\n<\/div>\n

<\/div>\n
\n

Yavuze ati:\u2019\u2019Abaturage barasabwa kubungabunga ubuzima bwabo, ntibihutire kunywa ibinyobwa nk\u2019ibi bitujuje ubuziranenge kuko bataba bazi icyo bikorwamo. Uretse no kuba ikinyobwa ubwacyo kitujuje ubuziranenge, mu kugikora ntibubahiriza isuku kandi n\u2019ibikoresho bakoresha ntibyujuje ubuziranenge.\u201d<\/p>\n<\/div>\n

<\/div>\n
\n

Umunyamabanga nshingwabikorwa w\u2019umurenge wa Muhima Havuguziga Charles, nawe yasabye abacuruza ibinyobwa bitemewe kubireka.<\/p>\n<\/div>\n

<\/div>\n
\n

Yavuze ati:\u2019\u2019Ababikora bakwiye guhindura imyumvire bakareka guha abaturage ibinyobwa bibangiriza ubuzima, bagashaka ibyangombwa hanyuma bagakora ibyujuje ubuziranenge, bityo nabo bakava mu kajagari ko guhora bihishahisha bahunga inzego zishinzwe kurwanya ibinyobwa nk\u2019ibi.\u201d<\/p>\n<\/div>\n

<\/div>\n
\n

Tariki ya 20 Gashyantare 2013, Minisiteri y\u2019Ubuzima, umujyi wa Kigali bafanyije n\u2019ihuriro ry\u2019abavuzi gakondo, bafashe icyemezo cyo gufungira by\u2019agateganyo bamwe mu bavuzi n\u2019abacuruzi bavanga ubuvuzi n\u2019ubucuruzi bw\u2019ikinyobwa kitwa Kombuca cyangwa Kargazok bamwe bita umuti, nyuma yo gusanga baha abantu iki kinyobwa cyangwa uyu muti batabapimye ngo bamenye icyo barwaye.<\/p>\n<\/div>\n

<\/div>\n
\n

Bivugwa ko iki kinyobwa cyengwa hakoreshejwe amazi, isukari, amajyani n\u2019umusemburo witwa Champignon, hanyuma bagatara mu gihe cy\u2019iminsi 15.<\/p>\n<\/div>\n

<\/div>\n
\n

Ikigo cy\u2019igihugu gishinzwe ubuziranenge (RBS) kivuga ko muri Kombuca cyangwa Kargazok harimo udusimba duto tutabonwa n\u2019amaso (pathogenic microbes) two mu bwoko bwa mikorobe twitwa \u201cTotal Coliforms\u201d na \u201cE.Coli\u201d tugaragaza umwanda, kandi ko harimo na alukolo (Alcohol).<\/p>\n

\"\"
Umuvugizi wa Polisi mu Mujyi wa Kigali, SP Emmanuel Hitayezu<\/figcaption><\/figure>\n

Kanda kuri SUBSCRIBE ujye ubona ibiganiro n\u2019indirimbo bishya<\/strong> <\/a><\/p>\n

\n
\"YouTube