{"id":10022,"date":"2018-04-26T14:42:36","date_gmt":"2018-04-26T14:42:36","guid":{"rendered":"https:\/\/new.bwiza.com\/2018\/04\/26\/impunzi-21-z-039-abanyecongo-zo-mu-nkambi-ya-kiziba-zivuga-ko-zifungiye\/"},"modified":"2025-02-12T14:25:06","modified_gmt":"2025-02-12T12:25:06","slug":"impunzi-21-z-039-abanyecongo-zo-mu-nkambi-ya-kiziba-zivuga-ko-zifungiye","status":"publish","type":"post","link":"https:\/\/bwiza.com\/?p=10022","title":{"rendered":"Impunzi 21 z'Abanyecongo zo mu nkambi ya Kiziba zivuga ko zifungiye akarengane"},"content":{"rendered":"

Mu Rwanda impunzi 21 z’Abanyekongo zo mu nkambi ya Kiziba ziregwa ibyaha birimo kurema umutwe w’iterabwoba no kutubaha amategeko y’igihugu, zitabye urukiko rwisumbuye rwa Muhanga, zitangaza ko ntacyo zibona zifungiye.<\/em> <\/strong> <\/p>\n

Mu rubanza rwamaze umwanya muto kuri uyu wa Kane tariki ya 26 Mata 2018, ubushinjacyaha bwavuze ko abo bagabo bakomeza gufungwa indi minsi 30 y’agateganyo kugirango burangize iperereza ku byaha bashinjwa.<\/p>\n

Izo mpunzi zo mu nkambi ya Kiziba kuri ubu, zifungiwe muri gereza ya Muhanga, zose zari mu mwambaro w’imfungwa w’iroza.<\/p>\n

Zari zitabye umucamanza w’urukiko rwisumbuye rwa Muhanga ku nshuro ya 3 ku ngingo y’ifungwa n’ifungurwa.<\/p>\n

Ubushinjacyaha bwavuze ko bugikeneye kongererwa igihe cyo kurangiza neza iperereza.<\/p>\n

Abaregwa n’ababunganira babwiye urukiko ko nta cyaha bafite, ko iminsi y’igifungo yarangiye kandi kuri ubu bari bafunzwe mu buryo butubahirije amategeko bityo bakaba batari bakwiye kuguma muri gereza.<\/p>\n

Abaregwa basabaga kurekurwa kuko ngo ari impunzi zisanzwe zituye ahantu hazwi zitashobora gutoroka ngo zisubire iwabo muri Congo kandi hakiri n’umutekano mucye.<\/p>\n

BBC yakurikiranye iri burana, itangaza ko ubushinjacyaha buvuga ko bubafiteho impungenge zo kuba batoroka baramutse bafunguwe kandi ngo banica iperereza.<\/p>\n

Abaregwa bose bavuze ko bari banajuririye icyemezo cyo gufungwa iminsi 30 mu rukiko rwibanze rwa Bwishyura muri Karongi, babanje kuregwamo.<\/p>\n

N\u2019ubwo urubanza rutaratangira mu mizi, abaregwa bose barimo n’abatumva Ikinyarwanda babwiye umucamanza ko ibyaha bashinjwa nta na kimwe bemera.<\/p>\n

Baregwa iki?<\/strong> <\/p>\n

Izi mpunzi zo mu nkambi ya Kiziba mu byo zishinjwa harimo kurema umutwe w’iterabwoba binyuranyije n’amategeko y’u Rwanda.<\/p>\n

Zinavugwaho kuba zarabaye ku isonga ry’abarwanyije inzego z’umutekano mu myigaragambyo yabereye mu nkambi mu minsi ishize.<\/p>\n

Urukiko rwavuze ko urubanza ruzakomeza mu mpera z’uku kwezi kuri 30.<\/p>\n

\"\"
Impunzi z’Abanyecongo zo mu nkambi ya Kiziba zigaragambije muri Gashyantare uyu mwaka<\/figcaption><\/figure>\n

Kanda kuri SUBSCRIBE ujye ubona ibiganiro n\u2019indirimbo bishya<\/strong> <\/a><\/p>\n

\n
\"YouTube