{"id":10023,"date":"2018-04-26T16:02:18","date_gmt":"2018-04-26T16:02:18","guid":{"rendered":"https:\/\/new.bwiza.com\/2018\/04\/26\/rusizi-umusaruro-w-039-icyayi-udindizwa-n-uburyo-bwa-gakondo-bagikoresha\/"},"modified":"2025-02-05T14:21:05","modified_gmt":"2025-02-05T12:21:05","slug":"rusizi-umusaruro-w-039-icyayi-udindizwa-n-uburyo-bwa-gakondo-bagikoresha","status":"publish","type":"post","link":"https:\/\/bwiza.com\/?p=10023","title":{"rendered":"Rusizi: Umusaruro w'icyayi udindizwa n\u2019uburyo bwa gakondo bagikoresha bagisoroma"},"content":{"rendered":"

Abahinzi b\u2019icyayi bibumbiye muri koperative \u00a0\u2018Coopthe Shagasha\u2019 mu karere ka Rusizi bavuga ko kimwe mu bituma batagera ku musaruro bifuza kuri hegitari ari imisoromere y\u2019icyayi ikiri mu buryo bwa gakondo.<\/em> <\/strong> <\/p>\n

Gusoroma icyayi biracyakorwa mu buryo bwa gakondo,aho usanga abantu bahetse \u00a0ibidonga mu migongo basoroma akababi kamwe kamwe bashyiramo, bamwe mu bahinzi b\u2019icyayi bakavuga ko niba igihugu gikataje mu iterambere n\u2019ikoranabuhanga muri byose, \u00a0atari bo bakwiye gusigara inyuma basoroma mu buryo budatanga umusaruro mwinshi.<\/p>\n

Habiyambere T\u00e9l\u00e9sphore umaze imyaka igera kuri 45 ahinga icyayi, avuga ko bibabaje kuba uburyo bagisoromagamo \u00a0mu 1963 n\u2019ubu ari ko bakibikora kandi ikoranabuhanga mu bindi rikataza.<\/p>\n

Yagize ati\u2019\u2019 turagenda dusaza kandi urubyiruko ntirwitabira cyane ubuhinzi bw\u2019icyayi kubera ko ruvuga ko burimo imvune kandi rushaka ibirworoheye, dukwiye guhindura uburyo, kugira ngo tujyanye n\u2019imikorere mishya yatuma n\u2019urwo rubyiruko rukunda icyayi, tukajyana n\u2019iterambere.\u2019\u2019<\/p>\n

Uwamariya Consol\u00e9e, uyobora inama y\u2019ubutegetsi ya Coopthe Shagasha,na we asanga abahinzi badakwiye gutsimbarara ku mikorere ya gakondo,mu gihe bagisarura toni 7 kuri hegitari kandi bifuza nibura toni 10.<\/p>\n

Agira ati \u2019\u2019Imisoromere ya gakondo isaba abayimenyereye kandi uko imyaka ishira bagenda, abashya baraba bake. Iyi mikorere itanga umusaruro muke. Bisaba ko dutangira gutekereza gukoresha n\u2019imashini kuko isarura byinshi mu gihe gito,kuko gusoroma kamwe kamwe si kimwe no gukoresha imashini.\u2019\u2019<\/p>\n

Guverineri w\u2019Intara y\u2019i Burengerazuba, Munyentwali Alphonse,yavuze ko icyayi ari kimwe mu bihingwa bizamura cyane ubukungu bw\u2019abaturage b\u2019iyi ntara, ko na we asanga imikorere ya gakondo ikwiye kugenda icika, bakagendana n\u2019imikorere igezweho kugira ngo barusheho kongera umusaruro mu bwinshi no mu bwiza.<\/p>\n

Coopthe Shagasha ifite abanyamuryango 832 bahinga icyayi ku buso bya hegitari 555,hafi ya bose bakaba bagenda basatira iza bukuru.<\/p>\n

Kanda kuri SUBSCRIBE ujye ubona ibiganiro n\u2019indirimbo bishya<\/strong> <\/a><\/p>\n

\n
\"YouTube