{"id":10033,"date":"2018-04-27T10:25:20","date_gmt":"2018-04-27T10:25:20","guid":{"rendered":"https:\/\/new.bwiza.com\/2018\/04\/27\/twibuka-kugira-ngo-dukizanye-ibikomere-padiri-ubald\/"},"modified":"2025-02-12T14:24:59","modified_gmt":"2025-02-12T12:24:59","slug":"twibuka-kugira-ngo-dukizanye-ibikomere-padiri-ubald","status":"publish","type":"post","link":"https:\/\/bwiza.com\/?p=10033","title":{"rendered":"Twibuka kugira ngo dukizanye ibikomere- Padiri Ubald"},"content":{"rendered":"

Padiri Ubald Rugirangoga umaze kwamamara mu gihugu mu bikorwa by\u2019isanamitima n\u2019ubwiyunge, avuga ko Jenoside yakorewe Abatutsi yasize ibikomere mu Banyarwanda bose, ari abayikoze n\u2019 abayikorewe bose, ngo bakaba bakeneye isanamitima ryo kubakiza.<\/em> <\/strong> <\/p>\n

Padiri Ubald Rugirangoga uvuka i Rwabidege mu murenge wa Karengera, ho mu karere ka Nyamasheke, avuga ko Jenoside yakorewe Abatutsi yamushegeshe cyane kuko yamutwaye abagera kuri 80 mu muryango we, by\u2019umwihariko ko na we yabanje kugira igikomere gikomeye cyane yatewe n\u2019ayo mateka, ariko yagikize ateye intambwe yo kubabarira abamuhekuye.<\/p>\n

Agira ati “buri wese afite ibikomere kandi agomba kubikizwa na mugenzi we. Uwishe aremerewe cyane n\u2019amaraso y\u2019inzirakarengane yamennye, akaba agomba guturwa uwo mutwaro n\u2019uwo yiciye ugomba kumuha imbabazi. Uwiciwe na we aremerewe no kubura abe ku maherere bitewe n\u2019uwari umuturanyi we wabamumazeho, agomba guturwa uwo mutwaro n\u2019uwamwiciye ugomba gutera intambwe yo kumusaba imbabazi\u201d.<\/p>\n

Akomeza avuga ko n\u2019utarahigwaga akeneye isanamitima, ati \u201cyewe n\u2019utarahigwaga \u00a0hari ibyo afite\u00a0 agomba gukira \u00a0byo kubona cyangwa kumva umuturanyi we yicwa n\u2019undi muturanyi we, kuko na we ubumwe n\u2019ubwiyunge bw\u2019Abanyarwanda ntibumusiga inyuma, cyane cyane ko muri bo hari abakomerekejwe n\u2019uko ntacyo bakoze ngo batabare abaturanyi babo bicwaga.\u2019\u2019<\/p>\n

Ntirenganya JMV warokokeye muri uyu murenge, avuga ko kubabarira abamumariye abe, byabanje kumurushya cyane ariko nyuma y\u2019inyigisho nyinshi z\u2019uyu mupadiri yaje\u00a0 kubababarira.<\/p>\n

Umuyobozi w\u2019akarere ka Nyamasheke, Kamari Aim\u00e9 Fabien, mu gikorwa cyo kwibuka Jenoside yakorewe Abatutsi mu murenge wa Karengera, yatangaje\u00a0 ko gahunda y\u2019ubumwe n\u2019ubwiyunge iri ku rugero rushimishije muri aka karere, kuko usanga hari byinshi bihuza abishe n\u2019abiciwe, nko kuba bashyingirana, bahurira mu bikorwa bibateza imbere,…<\/p>\n

Ati\u2019\u2019 Padiri Ubald yarenze amahano y\u2019uyu Sinzabakwira [ Umwe mu bishe umuryango we<\/em> ] arihira abana be amashuri undi afunze, bituma \u00a0Sinzabakwira na we atangira gufasha mu bumwe n\u2019ubwiyunge agaragaza ukuri ku mahano yakoze, akaba yaranafunguwe, bikaba byarahaye n\u2019abandi urugero rw\u2019ubwiyunge nyabwo.\u2019\u2019<\/p>\n

Urwibutso rwa Jenoside rwa Karengera rushyinguyemo imibiri 138 y’abazize Jenoside yakorewe Abatutsi, barimo na bamwe bo mu muryango wa Padiri\u00a0Ubald.<\/p>\n

\"\"
Padiri Ubaldavuga ko n’ubwo inzira y’ubumwe n’ubwiyunge ari umuti usharira, Abanyarwanda bose bagomba kwemera kuwunywa<\/figcaption><\/figure>\n

Kanda kuri SUBSCRIBE ujye ubona ibiganiro n\u2019indirimbo bishya<\/strong> <\/a><\/p>\n

\n
\"YouTube