{"id":10034,"date":"2018-04-27T12:01:20","date_gmt":"2018-04-27T12:01:20","guid":{"rendered":"https:\/\/new.bwiza.com\/2018\/04\/27\/abagenzuzi-b-039-imari-bwite-b-039-ibigo-bakwiye-guhabwa-ubwisanzure-mu\/"},"modified":"2025-02-05T14:21:05","modified_gmt":"2025-02-05T12:21:05","slug":"abagenzuzi-b-039-imari-bwite-b-039-ibigo-bakwiye-guhabwa-ubwisanzure-mu","status":"publish","type":"post","link":"https:\/\/bwiza.com\/?p=10034","title":{"rendered":"Abagenzuzi b'imari bwite b'ibigo bakwiye guhabwa ubwisanzure mu mikorere yabo- Hon. Makuza"},"content":{"rendered":"

Perezida wa Sena y\u2019u Rwanda, Hon. Sen.Bernard Makuza, avuga ko abagenzuzi b\u2019imari bwite (internal auditors) bakwiye guhabwa ubwisanzure mu mikorere yabo bagashyira mu bikorwa inshingano zabo. Avuga ko iyi yaba ari imwe mu ngingo zikwiye gufatwa kugirango umutungo wa Leta ucungwe nk’uko bikwiye.<\/em> <\/strong> <\/p>\n

Mu nama nyunguranabitekerezo yo ku wa 26 Mata 2018, yahuje abagize Sena y\u2019u Rwanda, Ubugenzuzi Bukuru bw’Imari ya Leta ( OAG<\/em> ) n\u2019abandi barebwa n\u2019imari ya Leta, Perezida wa Sena yavuze ko abagize Inama z’Ubutegetsi, Inama njyanama n\u2019ubuyobozi nyirizina mu bigo n\u2019ahandi bakwiye kumva neza inshingano bafite mu gukurikirana ibijyanye no gucunga umutungo wa Leta.<\/p>\n

Yagize ati \u201cAbagenzuzi b’imari bwite b’ibigo (internal auditors) bakwiye guhabwa ubwisanzure mu mikorere yabo; hari ukubahiriza amategeko agenga iby\u2019amasoko; hari ugufata ibyemezo kandi ku gihe ku bigomba gukorwa neza kandi vuba\u201d.<\/p>\n

Akomeza avuga ko Abayobozi Njyanama mu bigo bakwiye gukurikirana imikorere y\u2019abashinzwe imari, kugirango umutungo wa Leta ucungwe neza bigirire Abanyarwanda akamaro.<\/p>\n

Ati \u201cImicungire y’umutungo wa Leta, si ibintu byijyana ngo byikore, hari ibigomba kubahirizwa kandi ni bimwe kuri bose. Ababikora bakareka bikijyana, nibwira ko byerekana ikindi bigamije, nta kindi kitari ukunyereza umutungo w’Abanyarwanda,\u2026 Abayobozi b’Inama njyanama bagomba gufatwa nk’abashinzwe imari bagakurikirana imirimo y’abashinzwe imari\u201d.<\/p>\n

Akomeza avuga ko inama zitangwa n\u2019Ikigo\u00a0cy’Igihugu gishinzwe gutunganya Amasoko ya Leta (RPPA),\u00a0 Minisiteri y’Imari n’Igenamigambi (MINICOFIN), zishingiye kuri raporo za buri kwezi; hari ukuba abagize Inama z’Ubutegetsi, Inama njyanama n\u2019ubuyobozi nyirizina mu bigo n\u2019ahandi bakwiye kumva neza inshingano bafite mu gukurikirana ibijyanye no gucunga neza umutungo wa Leta.<\/p>\n

Iyi nama nyunguranabitekerezo yateraniye mu Nteko Nshingamatekeko y\u2019u Rwanda, ku Kimihurura mu mujyi wa Kigali, igamije gushakira hamwe ingamba zo gukemura ibibazo bikomeje kugaragazwa mu micungire y\u2019imari n\u2019umutungo bya Leta, ku bibazo bikomeje kugaragazwa n\u2019Ubugenzuzi Bukuru bw’Imari ya Leta ( OAG<\/em> ) ku micungire y\u2019imari n\u2019umutungo bya leta, \u00a0yateguwe na Komisiyo ya Sena y’Iterambere ry’Ubukungu n’Imari.<\/p>\n

Amafoto: Abitabiriye inama nyunguranabitekerezo ku bibazo bikomeje kugaragazwa OAG<\/strong> <\/p>\n

\"\" \"\" \"\" \"\"<\/p>\n

Kanda kuri SUBSCRIBE ujye ubona ibiganiro n\u2019indirimbo bishya<\/strong> <\/a><\/p>\n

\n
\"YouTube