{"id":10080,"date":"2018-04-29T12:16:14","date_gmt":"2018-04-29T12:16:14","guid":{"rendered":"https:\/\/new.bwiza.com\/2018\/04\/29\/u-rwanda-rwasabwe-kugira-icyo-ruvuga-ku-ngingo-y-039-irekurwa-rya-col-simba\/"},"modified":"2018-04-29T12:16:14","modified_gmt":"2018-04-29T12:16:14","slug":"u-rwanda-rwasabwe-kugira-icyo-ruvuga-ku-ngingo-y-039-irekurwa-rya-col-simba","status":"publish","type":"post","link":"https:\/\/bwiza.com\/?p=10080","title":{"rendered":"U Rwanda rwasabwe kugira icyo ruvuga ku ngingo y'irekurwa rya Col. Simba Aloys ufungiye ibyaha bya jenoside"},"content":{"rendered":"

Umucamanza w\u2019<\/strong> Urukiko<\/strong> \u00a0Mpanabyaha Mpuzamahanga Rwashyiriweho u Rwanda (<\/strong> TPIR<\/strong> )<\/strong> rukorera i Arusha muri Tanzania, yandikiye Leta y\u2019u Rwanda ayisaba kugira icyo ivuga ku ngingo ishobora gufatwa yo kurekura Col. Simba Aloys wahamwe n\u2019ibyaha bya jenoside yakorewe Abatutsi, ubu akaba afungiye muri Benin.<\/strong> <\/em> <\/p>\n

Col. Simba Aloys yahamwe n\u2019ibyaha bya jenoside, aho ashinjwa kuyobora ibitero bitandukanye by\u2019ingabo n\u2019Interahamwe zishwe Abatutsi muri Butare na Gikongoro mu 1994, yakatiwe igifungo cy\u2019imyaka 25.<\/p>\n

Uyu mugabo w\u2019imyaka 80 yari afite ipeti rya Lt. koloneli, yafatiwe muri Senegal aho yari yarahungiye mu 2001, mu mwaka wa 2002 ashyikirizwa urukiko i Arusha, mu mwaka wa 2005 akatirwa igihano cy\u2019imyaka 25.<\/p>\n

Kuva mu mwaka wa 2009, nibwo Col. Simba Aloys yoherejwe muri Benin kugirango arangirizeyo igihano yari yakatiwe n\u2019urukiko.<\/p>\n

Uru rukiko rutangaza ko Simba yarwandikiye arusaba kurekurwa bitewe n\u2019uko arangije 2\/3 by\u2019igihano yahawe n\u2019uru rukiko rwashyiriweho u Rwanda.<\/p>\n

Nk\u2019uko Radiyo Ijwi rya Amerika dukesha iyi nkuru ibitangaza, ngo Umucamanza mukuru w\u2019uru rukiko, Theodor Meron, yatangarije u Rwanda ko bafatanyije n\u2019umwanditsi w\u2019imanza, basuzumye basanga Simba azaba arangije bibiri bya gatatu by\u2019igihe cy\u2019igifungo yakatiwe ku wa 27 Nyakanga 2018.<\/p>\n

Umucamanza Theodor Meron, abwira Leta y\u2019u Rwanda ko amategeko yemerera imfungwa yitwaye neza muri gereza kuba yarekurwa imaze gufungwa bibiri bya gatatu by\u2019igihe yahawe, avuga kandi ko Simba afite ibibazo by\u2019ubuzima bishobora kwiyongera mu gihe yaba agumye muri gereza.<\/p>\n

Uyu mucamanza yasabye Leta y\u2019u Rwanda niba hari icyo ifite cyo gutangaza kuri iyi ngingo, ko yakivuga bitarenze iminsi 14, ni ukuvuga ku wa 10 Gicurasi 2018.<\/p>\n

Uyu mucamanza na we yasabye Simba kuzagira icyo avuga mu gihe cy\u2019iminsi itarenze 10 nyuma y\u2019ubwo Leta y\u2019u Rwanda izaba yagize icyo ibivuzeho.<\/p>\n

N\u2019ubwo Leta y\u2019u Rwanda ntacyo yari yatangaza kuri iyi ngingoireba Simba, kugabanyirizwa ibihano cyangwa gufungura abahamwe n\u2019ibyaha bya jenoside, Komisiyo ishinzwe kurwanya jenoside (CNLG) itangaza ko ingingo nk\u2019izo zifatwa nko guhakana no gupfobya jenoside yakorewe Abatutsi, ubu yibukwa ku nshuro ya 24.<\/p>\n

Mu ijambo yagejeje ku bari bitabiriye umuhango wo gutangiza icyumweru cy\u2019icyunama ku wa 6 Mata 2018, hibuka ku nshuro ya 24 jenoside yakorewe Abatutsi, Umunyamabanga Nshingwabikorwa wa CNLG, Dr Bizimana J.Damascene, yagaye imikorere y\u2019uyu mucamanza, Theodor Meron.<\/p>\n

Yagize ati \u201c\u2026, Nubwo hari intambwe yatewe hari ibyemezo bimwe na bimwe by\u2019amahanga byakomeje kugenda bica intege, urugero twafata ni ibyemezo bimwe na bimwe byagiye bifatwa, ndetse bifatwa n\u2019urwego rwasimbuye urukiko mpanabyaha rwashyiriweho u Rwanda ruyobowe n\u2019umucamanza Theodor Meron, kuva ku itariki ya 1 Werurwe 2012, aho usanga ibyaha bya ruhamwa bigabanywa, hagamijwe kubafungura, hari abantu 6 bahawe igifungo cya burundu yagabanyirije igihano, barimo Col. Bagosora,\u2026<\/p>\n

Akomeza avuga ko uyu mucamanza hari ingingo yagiye avana mu mategeko agenga uru rukiko, agamije kurekura abo ashaka, ati \u201cyafashe umwanzuro wa mbere wo guhindura amategeko urukiko rugenderaho kuko yasabaga ko mbere yo gufata icyemezo cyo gufungura abantu by\u2019agateganyo agomba kugisha inama u Rwanda cyangwa se umushinjacyaha mukuru w\u2019urukiko rwa Arusha, izi ngingo yazivanyemo kugirango ashobore kuja afungura abantu uko abyishakiye\u201d.<\/p>\n

Simba Aloys yavutse ku wa 28 Ukuboza 1938, mu cyahoze ari Komini Musebeya, Perefegitura ya Gikongoro, akaba yari afite ipeti rya Liyetona Koloneli mu ngabo z\u2019u Rwanda (FAR). Uyu mugabo ni umwe mu bateguye Coup d\u2019Etat yo mu 1973, yakozwe n\u2019ikipe yiyise \u2018Les\u00a0camarades\u00a0du 5 juillet 1973\u201d.<\/p>\n

Kanda kuri SUBSCRIBE ujye ubona ibiganiro n\u2019indirimbo bishya<\/strong> <\/a><\/p>\n

\n
\"YouTube