\n![\"YouTube](\"https:\/\/i.ytimg.com\/vi\/rG51vgZKvL4\/maxresdefault.jpg\")
Mu mpera z\u2019icyumweru gishize, Polisi y\u2019u Rwanda yafatiye umusore witwa Bimenyimana Reverien w\u2019imyaka 28 mu kagari ka Kagano Umurenge wa Kitabi, akaba yari yihambiriye ku mubiri we ibiro 10 by\u2019urumogi arenzaho imyenda.<\/p>\n
Uyu Bimenyimana akaba yari ari mu modoka yo mu bwoko bwa Hiace ifite nomero ziyiranga RAA 777W yavaga mu karere ka Rusizi yerekeza muri Nyamagabe.<\/p>\n
Umuvugizi wa Polisi mu Ntara y\u2019Amajyepfo Chief Inspector of Police (CIP) Emmanuel Kayigi, yavuze ko kugirango Bimenyimana afatwe ari umuturage watanze amakuru.<\/p>\n
Yavuze ati:\u201dUmuturage w\u2019inyangamugayo yabonye ko uyu musore yinjiye mu modoka ari Rusizi, ahamagara Polisi, iyi modoka igeze ku Kitabi irayihagarika, kuko umuturage yari yatanze amakuru arambuye y\u2019uyu musore, Polisi yahise imufata koko irarumusangana, imushyikiriza urwego rw\u2019Igihugu rw\u2019ubugenzacyaha (RIB) rukorera kuri Sitasiyo ya Polisi ya Gasaka.\u201d<\/p>\n
CIP Kayigi yashimye uyu muturage ku ruhare yagize mu ifatwa ry\u2019uyu musore, ndetse yongeraho ko ibi bikwiriye kubera urugero rwiza abandi mu rwego rwo gufatanya gukumira ikwirakwiza ry\u2019ibiyobyabwenge muri rusange muri rusange.<\/p>\n
Yagarutse ku kamaro ko gutangira amakuru ku gihe agira ati:” Bituma inzego zibishinzwe zimenya ko hari abafite imigambi yo gukora ibinyuranyije n\u2019amategeko; bityo zikabikumira, ndetse zigafata ababikoze.”<\/p>\n
Bamwe mu bakwirakwiza ibiyobyabwenge babikenyereraho, hari ababiheka mu mugongo nk\u2019abana, naho abandi babihisha mu biribwa n\u2019ibinyobwa nk\u2019imigati, ibihaza, amata n\u2019ibindi. Hari n\u2019abajya bafatwa babyambariye ho ingofero, mu gihe abandi bafatwa babihishe mu mapine y\u2019amagare n\u2019ibindi binyabiziga.<\/p>\n
Avuga kuri aya mayeri, CIP Kayigi yavuze ati:”N\u2019ubwo abakwirakwiza ibiyobyabwenge bakoresha amayeri atandukanye kugira ngo badafatwa, ntibibuza Polisi kuyatahura. Ifatwa ryabo riterwa n\u2019imikoranire myiza ya Polisi n\u2019izindi nzego ndetse n\u2019Abaturarwanda; kandi uko kuzuzanya kuzakomeza. Abishora mu biyobyabwenge baragirwa inama yo kubireka.”<\/p>\n
Bimenyimana yavuze ko uru rumogi yari aruvanye mu karere ka Rusizi akaba yari agiye kurucururiza mu mujyi wa Nyanza aho atuye.<\/p>\n
Ingingo ya 594 yo mu gitabo cy\u2019amategeko ahana y\u2019u Rwanda, igika cyayo cya 2, iteganya ko Umuntu wese winjiza, ugurisha mu gihugu ibiyobyabwenge ahanishwa igifungo kuva ku myaka itatu (3) kugeza ku myaka itanu (5) n\u2019ihazabu y\u00e2\u20ac\u0178amafaranga y\u2019u Rwanda kuva ku bihumbi magana atanu (500.000) kugeza kuri miliyoni eshanu (5.000.000).<\/p>\n
Kanda kuri SUBSCRIBE ujye ubona ibiganiro n\u2019indirimbo bishya<\/strong> <\/a><\/p>\n\n