{"id":10106,"date":"2018-05-01T23:37:58","date_gmt":"2018-05-01T23:37:58","guid":{"rendered":"https:\/\/new.bwiza.com\/2018\/05\/01\/nyamasheke-barasaba-ko-ahahoze-icyobo-cyiswe-croix-rouge-hashyirwa-ikimenyetso\/"},"modified":"2018-05-01T23:37:58","modified_gmt":"2018-05-01T23:37:58","slug":"nyamasheke-barasaba-ko-ahahoze-icyobo-cyiswe-croix-rouge-hashyirwa-ikimenyetso","status":"publish","type":"post","link":"https:\/\/bwiza.com\/?p=10106","title":{"rendered":"Nyamasheke: Barasaba ko ahahoze icyobo cyiswe \u2018Croix-rouge\u2019 hashyirwa ikimenyetso cy\u2019amateka ya jenoside"},"content":{"rendered":"

Amatariki ya 29 na 30 , ni amatariki yabaye mabi cyane ku Batutsi batagira ingano bari bahungiye kuri paruwasi Gatulika ya Shangi mu karere ka Nyamasheke bazi ko bahabonera amakiriro nyamara bakicirwa mu kiliziya no mu nkengero zayo, aho abasaga 12.000 muri bo bajugunywe mu cyobo cyiswe croix-rouge bamwe ari bazima, abaharokokeye bakaba basaba ko hashyirwa ikimenyetso cy’amateka ya jenoside.<\/em> <\/strong> <\/p>\n

Nk\u2019uko Bwiza.com yabibwiwe na madame Kampogo Constance,umwe mu ngerere \u00a0baharokokeye mu buryo bugoye gusobanura, ngo nyuma y\u2019ihanurwa ry\u2019indege yari itwaye uwari perezida Juv\u00e9nal Habyarimana n\u2019abo bari kumwe, akaga k\u2019abatutsi kari gatangiye,bukeye ku wa 7 Mata bamwe bo mu yari komini Gafunzo batangira guhungira kuri kiliziya gatulika ya Shangi bumvaga ntawahabicira.<\/p>\n

Nyamara ngo batangiye kuhabicira umwe umwe bahereye ku bafite ingufu n\u2019abanyabwenge, bikomeza bityo,umunsi gaheza uba ku wa 29 Mata mu ma saa cyenda z\u2019amanywa,ubwo Interahamwe zari ziyobowe na Yusufu Munyakazi\u00a0 ubu ufungiye Arusha, zari zivuye kwica Abatutsi mu cyahoze ari Kibuye, hamwe n\u2019abari abapolisi ba komini zirasa inzugi za Kiliziya zirafunguka, ari ko izindi zirasa mu myenge y\u2019amatafari y\u2019iyo Kiliziya,zinjiramo zikoresha intwaro gakondo zitangira kwica.<\/p>\n

Ngo bwaziriyeho zirataha bukeye mu gitondo, Interahamwe z\u2019aho mu Gafunzo\u00a0 ziraza zitangira kurebamo abakiri bazima zibabwira ko zibajyanye kuri Croix-rouge ngo bahabwe ubutabazi na ho zibajyanye mu cyobo kinini cyari cyaragenewe gukusanirizwamo imyanda iva mu bwiherero bw\u2019ishuri ribanza rya Shangi, ari ho cyanakuye iryo zina.<\/p>\n

Ngo bafashe abagifite\u00a0 intege \u00a0batishwe \u00a0babahekesha imibiri y\u2019ababo bishwe,bose bajyanwa kuri icyo cyobo bajugunywamo,ari abishwe n\u2019abakiri bazima, kugeza ubwo cyuzuye,bagiye gucukura ikindi ngo babangamirwa n\u2019imvura,kurokoka aha hantu ngo bikaba byarasaga n\u2019ibidashoboka.<\/p>\n

Kampogo Constance yagize ati\u2019\u2019 abo bikorezaga imibiri y\u2019abishwe babaga babambuye ubusa hejuru, bavirirana,bimeze nabi nanjye bakingejejeho baranyicaza,bakajya bampanahana abandi babajugunyamo ari bazima nanjye meze nk\u2019uwataye ubwenge,nyamara bahatujyanye ngo bagiye kuduha ubutabazi,ariko babatsindagiyemo,ku buryo tubataburura nyuma ya Jenoside twakuyemo abasaga 12.000.\u2019\u2019<\/p>\n

Uhagarariye Ibuka mu murenge wa Shangi ,Ndinzumukiza \u00a0Eric asaba ko cyakorwa neza ,amafoto n\u2019amazina y\u2019abahiciwe akahashyirwa kugira ngo amateka ahari atazibagirana.<\/p>\n

Ati\u2019\u2019 tuhashyira urugo rw\u2019ibiti rugasenyuka ku buryo hadafashwe uko tuhifuza ariko akarere karabizi kandi kahaha agaciro kagomeye turabizi,icyo dusaba ni uko kuhakora neza byakwihutishwa,hagafatwa neza n\u2019amateka habumbatiye akabungabungwa.\u2019\u2019<\/p>\n

Depite Mwiza Esp\u00e9rance wari waje kubafata mu mugongo, yagaye abakoze ariya mahano anahamya ko atazongera ukundi mu Rwanda.<\/p>\n

Ati \u2019\u2019 Ese abicaga abantu urw\u2019agashinyaguro aha bakuyemo iki? Ni iki bungutse? Ese izo nka bariye baracyazirya? Ese iyo myenda bacuje ababyeyi bari biciwe hano baracyayambaye? Ubwo bugwari na bwo tujye tubuvuga kuko\u00a0 iyo umuntu avuze ngo baramubwiye ngo yice arica na byo si byo.<\/p>\n

Icyo nasaba abongabo ni uko\u00a0 nyuma y\u2019imyaka 24 batekereza ko ibyo bakoze ari amahano,bagatangira kwigisha abana babo ibabafitiye akamaro.\u2019\u2019<\/p>\n

Urwibutso rwa Jenoside rwa Shangi rushyinguyemo imibiri 17.938 y\u2019abatutsi biciwe mu kiliziya n\u2019inkengero zayo,barimo bariya basaga 12.000 bari bajugunywe muri kiriya cyobo cya Croix-rouge bamwe ari bazima,umuyobozi w\u2019aka karere Kamari Aim\u00e9 Fabien akaba yarijeje gutunganya neza icyo cyobo nk\u2019uko abaharokokeye bakomeje kubisaba.<\/p>\n

\"\"<\/a>
?<\/figcaption><\/figure>\n
\n
\"YouTube